Ticker

10/recent/ticker-posts

MP (LS) in AIR DG Aizawlah AIR leh DD chungchang a sawipui

Aizawl | Oct 29, 2022: Lok Sabha Member Pu C Lalrosanga chuan Aizawla zan khat riaka lo zin, AIR Director General leh AIR (News) DG ni bawk Pi Vasudha Gupta chu lo kawmin, Mizoram leh hmarchhak bial hmundanga All India Radio leh Doordarshan kalphung leh hmasawnna tur a sawipui.


Nimin October ni 27, 2022-a New Delhi atanga Lengpui Airport an lo thlen hlima an inkawmnaah leh tukina State Guest House-a an inkawmnaah Pu C. Lalrosanga chuan Pi Vasudha Gupta DG a nih hnu lawka Mizoram a rawn tlawh chu lawmawm a tih thu a sawi a. Hmarchhak bial, a bik takin Mizorama AIR leh DDK hnathawkte harsatna chinfel dan ngai pawimawh turin a ngen a. Kaisanna mumal nei lo a rei tak tak hna lo thawk tawhte an kaisanna tur kawng dap vat a tul thu DG chu a hrilh a ni. Thu leh hla puanchhuahna kawnga hmanrua leh khawl tha an mamawhte Pu Rosanga chuan a sawipui bawk.

AIR DG Pi Gupta chuan kum 40 vel lai radio leh TV lama hna lo thawk tawh leh hotu nihna lo chelh tawh Lok Sabha Member tanglai Pu C Lalrosanga chu zau zawka thawhpui tur leh rawtnate thlen thin turin a ngen a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments