LEHKHABU PHO RÙNPUI (BOOK FEST) 2022

LEHKHABU PHO RÙNPUI

(BOOK FEST)

'Mizo Writers Association' huaihawtin _Ni 24 - 28 October, 2022 (Mon - Fri) chhung hian  Vanapa Hall-ah lehkhabu pho rùnpui neih a ni dawn a. Chuta hriattur pawimawh zualte han tarlang ila:

1. Lehkhabu Pho Rùnpui-ah hian 'Mizo Writers Association'  member ni kher lo pawhin an duh chuan an lehkhabu an rawn pho chhuak ve thei vek dawn a. Amaherawhchu, member ni thei (lehkhabu pakhat tawl khawrpum tawh) kan nih chuan member rawn ni vek turin kan beisei a che u. Membership fee Rs.100/- a ni e.

2. Lehkhabu Pho Rùnpui-ah hian lehkhabu tlangzarh rùnpui a awm leh dawn bawk a. Lehkhabu pho chhuah tur leh tlangzarh tur nei chuan Organizing Secretary '8974348598' (Whatsapp) hnenah ni 20 October, 2022 ral hma ngeia in report tur a ni. In report te chauhin an lehkhabu an pho thei ang.

3. Lehkhabu thutpuitu tur kan nei a nih chuan duhthusam a ni a. Amaherawhchu, kan nei remchang lo a nih pawhin Organizer ten kan ngaihtuahsak thei ang. A lehkhabu pho tu te tan engmah insênna tur a awm dawn lo.

4. Ni 24 October, 2022 (Mon) hi insingsak fel ni tura ruahman a ni a. Lehkhabu pho chhuah tur nei zawng zawngte chu hemi ni hian rawn chhawplâwk tura beisei kan ni. A tul angin kan table tur theuhte allotment siam fel nghal a ni ang.

5. Ni 25 October, 2022 (Tue) hian Vanapa Hall chhungah opening function hman a ni dawn a. Pu T. Lalnunsiama, Advocate hnen atangin "The Copyright Act, 1957 leh Ziakmite" tih paper ngaihthlak ho a ni ang. A tul angin program kimchang erawh kan la rawn tarlang zel dawn nia.

6. Lehkhabu Pho Rùnpui kâr tluan hian lehkhabu lo leia lo chhim tu tur School/College/University/NGO/Government Department etc te hnenah sawmna thehluh a ni ang.

7. Lehkhabu discount chungchang chu a lehkhabu neitu kutah a innghat a. Organizing committee lam a inrawlh lo ang.

8. Lehkhabu pho rùnpui hi "Mizo Writers Association" ten Art & Culture Department tanpuinaa Ziakmite promote nan liau liaua a huaihawt a ni a. A lehkhabu hralhna zawng zawng pawh hi lehkhabu neitute kutah zel a lut ang. "Mizo Writers Association" hian a pawl anga l sum leh pai zawnga hlawkna tel tur pakhatmah a nei lo.

~ K. Remruatfela,

Organizing Secretary,

Lehkhabu Pho Rùnpui

Contact: +918974348598

Mizo Writers Association

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)