Pachhunga university College Miss 2022-23 Himhimi kan bel chiang!
Himhimi / Chhemi tia hriat hlawh PUC Miss 2022-2023 C Lalchhanhimi hi Lalengliani leh C Hrangthuama te fanu niin, November 4, 2001 khan a lo piang a. Presbyterian Kohhran-ah lawiin, Bethlehem Veng, Aizawl-ah chengin an khawsa a ni.
Himhimi te unau hi pathum niin, u mipa pakhat leh nau hmeichhia pakhat a nei a ni.
Himhimi hi 5'1 ft, (157 CM) a sang a ni.
Himhimi'n EXPLORE MIZORAM zawhna a chhannate:
📌 Zirna lam:
~ Pawl 10 hi 2018 khan Centenary School Dawrpui Church atangin ka pass a,
2020 khan Pawl 12 hi Synod Higher Secondary School atangin ka pass leh a, tunah hian Pachhunga University College-ah B.A Philosophy Department V Semester ka zir mek a ni.
📌 Hobby:
~ Lem ziah (painting), Lehkhabu chhiar (reading), Thu leh hla ka ziak ve thin bawk!
📌 I duhzawng leh ngainat zawng hrang hrangte?
• Lehkhabu duh: The Unbearable Lightness of Being
• Ziaktu: Milan Kundera
• Actor/Actress: River Phoenix
• Zaithiam: Troye Sivan, Stray Kids
• Chawhmeh: Alu (engtin pawha siam)
• Hla: Happy Kushy Days by Land of Peace
• Hmun: Tui taka ka mut theihna apiang (Eg: Ka room)
• Rawng: A hring (green)
• Ziaktu: AlainaMill (AO3 site ah)
📌 Mize ngainat zawng: An nihna ang anga lang ngam, a hun leh a hmun azira insiamrem thei.
📌 Mize ngainat loh zawng:
~ Mi chapo, mi nundana buai leh mi hmasawn lo.
📌 Kawppui tura duhzawng?
~ Fiamthu thiam, tumruh, mahni nihna a chiang.
📌 Relationship status: Ka chem kalna lam a ni lo.
📌 Aim in life: Professor/ Content Writer/ Consultant
📌 Pachhunga University College (PUC) Miss thlanna a tel chhan?
~ Kan Head of Department (HOD), Maam Emily in tel turin ka hming a pe. Amah ka zah vang leh a thu ka awih vang a ni deuh ber mai.
📌 Pachhunga University College (PUC) Miss nih hi i inring reng em?
~ Ring lem lo. Tun thleng hian kei leh keimah min hre tute chuan mak kan la ti.
📌 Pachhunga University College (PUC) Miss in I nuna nghawng a neih??
~ Ka phone a hang/ tan phah😂. Thian thar (ka telpuite) ka chhar bakah min duhsaktute inpek zawh zia ka hmuchhuak.
📌 Modelling lam i tui em?
~ Ka la tihchhin loh avangin ka hre lo. Ka ngaihsak zawng tak chu a ni lem lo.
Zawhna dang:::
1. A tel lova i awm theih loh:
~ Sunscreen, Tui
2. I nun kaihruaitu:
~ Ka chhungte leh thiante
3. Hringnuna i hlauh ber:
~ Ka tana mi pawimawhte chân/ lu sûn.
4. I tih ngai miah loh tur:
~ Pi leh pu te hmuhsit leh endawng
5. Mizo Tualzal nuna ṭha i tih:
~ Kan inpui tawn hreh lohna. Mizo kan nihna angin kan inti unau tawna, chhiatni thatni ah kan inpe zo.
.jpg)
6. Quote i duh ber:
"You are a work in progress until you die"
7. Mizoram leh Mizo tualzal nuna Mizo hmeichhiate dinhmun:
~ Mizo hmeichhiate dinhmun hi kan hmanlai nun nena tehkhin chuan nasa takin hma kan sawn a. Zirna lamah te, hnathawhna hmun leh ei leh bar kawngah pawh kan sang a, mipa te kan phak lohna bik a awm lo a ni. Amaherawhchu mihring chu in mamawh tawn kan ni a, hmasawn tur pawn Mizo hmeichhia leh mipa te hi in chhawmdawl a, thawh hona tha kan neih a tul ka ti.
8. Hnam hmingṭhat leh hmingchhiat kawngah Hmeichhiate'n mawhphurhna:
~ Hmeichhia te hian mipa aiin dawhsan (platform) kan neih that zawkna chen a awm a. Mi hip theihna, mi hmin theihna leh mi lawm kan hlawh theihna te hi kan hman dan a zirin kan hmingtha in kan hmingchhe thei a ni. A hnam ang zawng erawh chuan hmeichhiate mawhphurna bik ni lovin, Mizo kan nihna ang zawkin kan chetzia leh kan nun dan te hnam dang te lakah kan fimkhur tur a ni.
9. Hnam ziarang chawinun kawnga Hmeichhiate mawhphurna:
~ Kan chawrchhuahna hrereng chungin khawi hmunah pawh Mizo nun in a ken tel tlawmngaihna te, hawihhawmna te lantir.
10. Mizote tan 'Fa neih tlem' inzirtir hi a ṭulin i hria em?
~ Fa neih tlem ngawr ngawr ai chuan kan chawmzawh tur, hmahun eng an neih theihna tura nu leh pa nih kan tlin hun nghak thei ila ka ti. Eng zat pawh nise, kan hmangaiha, nu leh pa mawhphurna kan hlen zawh theih a pawimawh ka ti.
11. Mizo hnam ṭhanmawh bawk nia i hriat?
~ A nuam chinah chauh kan tâng thin. Mihring chu kan hreh ngawih ngawih leh kan 'comfort zone' pela thil kan tih hian hma kan sawn a, kan thang zawk thin a ni.
12. Mizo hnam damna atana kawng awm nia i hriatte?
~ Hawi zau leh tum san. Mizoram chhung chauh en lova India chhung leh pawn te elpui thei tura kan thlirna tih zau leh kan thil tum tih san.
- Hlawhchham hlauhna hian thil tam tak min tihloh tir thin. Hlawhchham hi a zahthlak lova, hlawhtling tur chuan a tel ve a ngai zawk.
13. Hnam chhan nana Hmeichhiate ṭangkaina leh mawhphurna?
~ Mipa in an tih theih chu kan tum ve hrim hrim tur a ni. Mipa leh hmeichhia hi kan inang lova, taksa leh rilruah pawh. He kan danglamna hi kan thawhrual chuan kan chakna zawk a ni. Kan Mipate kan fuih thiam a, inelna thianghlim zirna kawngah te kan neih hian hnam hmasawnna a thlen thin a ni.
14. Zirna, Khawtlang leh Kohhran hi?
~ Khawtlangah hian kan tangkai ve theihna apianga inhman a tha ka ti. Mahni chauha nung thei kan ni lova, kan in mamawh tawn vek. Kohhran pawh nun khalh ngiltu ah ka ngai. Zirlai nih lai erawh chuan kan tihturah kan chiang tur a ni a, zirlai tibuai khawpa inhman ral chu a tul ka ti lem lo.
15. Khawtlang, Kohhran leh nangmah:
~ Ka zirlai vang hian ka la inhmang vak lo. Sunday inkhawmah hian ka la duh tawk rih mai.
16. Social Media leh Nangmah:
~ Ka hmanna a rei tawh a, reife ka chawlhsan hnuah nikum lam khan ka hmang tha leh a. A chintawk hriat a tul hle. Chanchin hriat nan tha mahse, kan hriat tul lem lo pawh lo ngaihsak ve chiam a awl. Social media a kan hmuh hi chu a tam zawk a lem tih hria ila a tha ka ti.
17. Mizoram ṭhalai tam tak tlakchham:
~ Rilru nghet leh thil tuma chian. Thiante nena a huhova awm dul dul a, a tawpa nu leh pa te chawm hlawm a chhuak leh si kan tam ka ti.
18. Mizo ṭhalaite hian ngaihsan tur dik an ngaisangin i hria em?
~ Mihring kan inang lova, a tha zawnga hma min sawn tirtu chu tu pawh nise, an ngaihsan tlak ka ti.
19. Ngaihsan tur dik nia i hriat:
~ Mi taima, kan rilru put hmang a tha zawnga her theitu, hma min sawn tirtu.
20. Hlawhtlinna tura pawimawh:
~ Taimak leh tih rei peih. Hlawhchham chang pawha beidawng loh.
21. hloh i hlauh ber:
~ Beiseina
22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
~ Aw, ring e. Inpumkhatna awm tur chuan kan danglamna te dahtha a, 'open conversation' kan neih a pawimawh ka ti. Mizo hnam vek ni mah ila, mihring inang lo tak tak kan ni a, kan rinna te, kan duhzawng te, kan chakna leh chak lohna te kan inhriat tawn sak a, rilru zau tak nena hnam chawisang tura thawh ho a pawimawh ka ti.
23. Hnam dang nupui pasal neih hi:
~ A pawina ka hmu lem lo. Tunge kan hmangaih te an hnam vanga thliar a, thlang ngai?
24. Nupui pasal neih hmaa mipat hmeichhiatna hman hi:
~ Kan rinna a in ang lo theuh a, mi an ti na lemlo a nih chuan an thu a ni ka ti. Safe seks chungchangah erawh chuan inhrilhhriatna tha zawk awm se ka ti.
EXPLOREMIZORAM.COM i hmuh dan:
~ EXPLORE MIZORAM hian Mizo-te tan inphochhuahna leh dawhsan tha a buaitsaih sak ka ti. Tupawh mahni ngaihdan nei theuh kan ni a, mi ropui leh thleng sang tak takte rilru puhmang leh belchian theihna an chhawpchhuak a, a hlawkthlak ka ti hle.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: