KUHVA KAWR THELNA KHAWL PATENT A NI TA

- Dr RK Lallianthanga

Pu  Lalbiakzuala Ralte leh Pu Lalpiangliana Sailo te țhiandun chuan kuhva kawr thelna khawl thar an  siam chhuah ‘Arecanut Peeler‘ chu  dan ang thlapin a siam chhuaktu nihna an nei ve leh ta. An chhuanawmin, an hlawhtlinna hi Zofate tan thil lawmawm tak a ni.

Patent Certificate hi Patent Office, Government of India chuan dt 30.9.2022 khan a tichhuak a, Patent No chu 408318 a ni. Dt 4.3.2014-ah patent hmu tur hian National Innovation Foundation(NIF), Ahmedabad kaltlangin an file țan a, kum riat hnuah Patent Certificate hi an hmu ta a ni. 

Patent Certificate an neih hma pawhin an khawl hi eng emaw zat siam chhuak tawhin, hmun hrang hrangah an hralh tawh a, mi tam takin an hmang țangkai hle.

Anni țhiandun hian Agarbati stick siamna khawl an siam kha an patent hmsasak ber a ni a. Tun hi an vawi hnihna a ni. Mi thluak țha leh taima,harsatna hrang hrang kara Mizoram tana țangkai tur khawl siam chhuah tuma  bei ngar ngar țhin an ni a, an fakawm hle.

Pu Biakzuala phei hi chu Science and Technology-a  Chief Scientific  Officer ka nih laia Innovation Facility Centre din tura hma kan lak lai khan min puibawmtu pawimawh tak a ni nghe nghe. 

Mizo kuthnathawktute tana țangkai tur khawl thar siamchhuaktute (inventors / innovators)hi Mizo mipuite tan an hlu a; hlawhtling zel turin duhsakna ka hlan e.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)