Ticker

10/recent/ticker-posts

ICFAI UNIVERSIRlTY AH MIZORAM POLITICAL HISTORY KAN ZIRHO

- K. Remruatfela

ICFAI University hotute duhsakna changin 6 October 2022 (Thu) khan Department of Political Science leh Department of History tangkawpin ka lehkhabu "Indian Union chhunga Zofate rin luh kan nih dan" tih behchhanin "Meet the Author" program min siam sak ve hlauh a. Darkar 2 tha vel hun kan hmang thei a, mahni tuizawng ber subject a ni bawk a, a nuamin a khamawmlo hle.


Hun nei tura min sawm tirh khan ka rilru te te-ah chuan Mizoram political history te hi chu thalaiah kei bak tuipui tak tak an awm lova, a tuipuitu te hi chu patling, ka pa leh ka pu te rual deuh vek an ni hlawm a. Zirlai naupangte hi chuan an bengkhawn tak tak lo ang.  Chuvang chuan projector nen pawh inbuatsaih hran lovin ka hriatna khawlkhawm sa ka han dinpui ve tawp mai ang ka ti rilru deuh a. Nimahsela, ka lawmna em em pakhat chu ka rin phâk bâkin ICFAI Universitu zirlaite an lo smart a, ka lehkhabu te pawh an lo ching let hneh hle tih a hriat a. Zawhna chhan sen loh, pawimawh tak tak si min zawt an awm nual a, ka lawm tak zet a ni.


India independent hmain Mizote hi Indian kan lo ni ngai em, kan duhthlanna vanga India union chhunga lut ta hi kan ni em, MNF independent declaration hi legally and technically in a rintlak em, Mizoram insingsakna kawngah hian engtiang chiahin nge Mizo Union party khan mawhphurhna an lo neih, PC leh MNF inkara khi lo awm kha eng nge chhan, Art.371G hi belhchian a dawl em etc etc tih lam hawi zawng zawngte kha zalen takin a document leh evidence based zelin sawihona hun thâwl tak kan nei thei a. Zirlaiten a point pawimawh leh langsar lai min lo zawt fuh chat chat hlawm bawk a. Hetiang taka ka thalaipuite zinga Mizoram political history tuipui leh ngaihven an lo la awm tih ka hriat hian ka lawm tak zet a, hma lam pan zel turin chakna nasa tak min pe bawk a ni.
Post i hmuh dan

Post a Comment

0 Comments