Aizawl 10th October 2022: Vawiin khan Health & Family Welfare Minister Dr. R.Lalthangliana chuan Mizoram College of Nursing, 35th Graduation & Lamp Lighting Ceremony, 2022 chu MCON, Falkawn Conference Hall ah hmanpuiin he hunah hian khuallian a ni.
Khuallian Dr.R.Lalthangliana chuan nurse te chu damlote enkawl a, tihdam rawngbawlna thawktu mi pawimawh an nih bakah hna ropui tak thawktute an ni, a ti a. Midangte tan malsawmna, mahni nun hlan zel turin leh inpekna nun nena damlo harsatna chinfel chungchangah te bakah damlo, enkawlna kawnga fimkhura theihtawpa thawk zel turin a chah a. Khuallian chuan nurse hnathawh leh inpekna chu mimal ang pawha ropui a tih thu a sawi a. Nursing chu eizawnna zahawm tak leh ringtu te tan phei chuan Isua rawngbawlna chhawm nung zeltu te zing a mi an ni, a ti a. Nurse lukhum (cap) chuan Nurse te nunah hmun pawimawh tak a chang a, inpumkhatna a entir a, lamp lighting chuan mite tanpuitu, mite tana thlamuanna thlentu, beiseina petu leh thiamna bik nei pho lanna a ni, a ti a. Nurse zirlai leh pass chhuak te chu 21st century ah mi nawlpui thiamna nei tan hna tha leh hnathawh sang a neih theih loh ti hriaa, an thiamna leh theihna zawng zawng nena hna thawk a, thiamna sang tak nei turin a chah a ni.
Minister chuan Mizoram pawnah leh ram dangah tumruhna nena thawk chhuak turin a fuih a, Mizo te ziaa bet tlawmngaihna leh mi harsa zawk te tanpui zel duhna thinglung chuan Mizo Nurse te chu khawi hmunah pawh fak leh doctor tam tak te pawhin damlo enkawl atan an duh bik thin a ni, a ti bawk a ni. Vawiina Lamp Lighting Ceremony hmang zawng zawng nurse te chu an kal zelna turah duhsakna a hlan a ni.
He hunah hian MCON a thawk mek thi ta, Pu Lalremruata, Mission Veng sunna hun hman a ni a. Zirlai ti thate hnenah L.Chhawnkima Proficiency Award hlan a ni a. Pi Lalchhanhimi, Principal hnen atangin Report ngaihthlak a ni a. Lamp Lighting Ceremony hi Pi Lalrinthangi Pachuau, Nursing Superintendent in a kaihruai a ni.
35th Graduation hmannaah hian nurse graduate mi 31 an awm a. Pass percentage hi zaah za a ni a. Vawiin program-ah hian covid avanga Lamp Lighting tihpui takloh 3rd semester te an tel bawk a, lamp lighter hi an vaiin 64 a ni a, an zingah hian Prime Minister Special Scholarship Scheme hnuaia Jammu, Kashmir leh Ladakh atanga lo zir mi 6 an awm a ni.
MCON hian graduate nurse vawiin thleng hian mi 406 an nei tawh a, tunah hian zirlar 124 an awm mek a ni. MCON hian herbal plants nursery neiin, Sunhlu, Artang tiak leh a dangte kan chin uar leh zual nan he huna kalte hawn theihin an chhawp chhuak bawk a ni. MCON atang hian BSc Nursing chauh ni lo, Health & Wellness Centre khaipa ni turin Certificate in Community Health IGNOU leh NHM nen tangkawpin mi 127 zirtir chhuah tawh a ni. Heng bakah hian Ayush Doctor batch khatna mi 24 an train tawh a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: