Govt Aizawl College Miss 2022 - 2023 H Lalhriatpuii kan belchiang!
Hriati / Hriat Hriat / Hriatpui tia hriathlawh Govt Aizawl College Miss 2022 H Lalhriatpuii hi K Lalawmpuii leh Liannawla te fanu niin, April 25, 2002 khan a lo piang a. Presbyterian Church of India kohhranah lawiin, Kanan Veng, Aizawl-ah an cheng.
Hriati hi unau panga zinga upa ber dawttu niin, an unau hi hmeichhe 4 leh mipa 1 an ni.
Hriati hi ft 5"8 a sang a ni.
Hriati'n EXPLORE MIZORAM zawhna a chhanna te:
📌 Zirna lam:
~ Pawl 10 hi Govt.Mizo High School atangin pass-in, Pawl 12 hi Govt. Mizo Higher Secondary School ah Science Subject la in ka zir chhuak a. Tunah hian Govt Aizawl College (GAC) ah B.A (Economics) 5th Semester ka zir mek a ni.
📌 Hobby: Reading
📌 I duhzawng leh ngainat zawng hrang hrangte?
• Lehkhabu duh: One Night @ the Call Centre - Chetan Bhagat
• Actor/Actress: Noah Centanio, Anne Hathaway
• Zaithiam: Maruati Hnamte
• Chawhmeh: Alu
• Hla: This is Me - Keala Settle
• Hmun: Home (Kan in)
• Rawng: Black
• Ziaktu: Lalhruaitluanga Chawngte
📌 Mize ngainat zawng: Mi hlim thei tak leh midang tana inpe zo.
📌 Mize ngainat loh zawng:
~ Midang te chunga ngilnei lo leh chapo taka awm.
📌 Kawppui tura duhzawng?
~ Mi rinawm , mahni thusawi a ding mi leh Thianghlim na vawng mi tak.
📌 Relationship status:
~ Single
📌 Aim in life:
~ IPS officer
📌 Govt Aizawl College (GAC) Miss thlanna a tel chhan?
~ Ka thianten tel tur a min duhsak leh keimah a rinna an nghah em avan in tel turin thutlukna ka siam a ni.
📌 Govt Aizawl College (GAC) Miss nih hi i inring reng em?
~ Tel ve rau² chuan chak ngei chu ka duh a. Mahse, ka tel pui te an that em avangin ka in ring lo hle a ni.
📌 Govt Aizawl College (GAC) Miss in I nuna nghawng a neih??
~ Tha leh zual tur in leh hmasawn tur a cho na lian tak min pe tu a ni
📌 Modelling lam i tui em?
~ Modelling lam hi chu ka tui lutuk lo a mahse beauty pageant lam hi chu ka ngaihven zawng tak a ni.
Zawhna dang::
1. A tel lova i awm theih loh:
~ Pathian leh hmangaih taka min enkawl tu ka neih chhun ka chhungte .
2. I nun kaihruaitu:
~ Pathian thu
3. Hringnuna i hlauh ber :
~ Hlawhchham hlauh na a khah a, dawihzep taka hmasawn lo a awm reng.
4. I tih ngai miah loh tur:
~ Midang hmuhsit
5. Mizo Tualzal nuna ṭha i tih:
~ Zo nun ze mawi *Tlawmngaihna* hi
6. Quote i duh ber:
~ "Make mistakes but don't regret it."
7. Mizoram leh Mizo tualzal nuna Mizo hmeichhiate dinhmun:
~ Hman lai hun te ngaihtuah chuan hma kan sawn in mipa zawk te pawn hmeichhiate kan dah pawimawh thiam ta hle a hei hi a lawmawm ka ti em em a. Hmeichhiate te pawh in kan dinhmun sawh nghet a kan theih tawk zia hi lan tir ve zel thain ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
~ Hmeichhia te hi mipa ai a hmingchhe hma, leh nun uluk bik zual ngai em em kan ni a. Mimal hmingchhiat na hi hnam hmingchhiat na thlen thei a ni tih hriain mimal (a bikin keini hmeichhia te) tin te hian kan nun hi kan fimkhurin kan uluk hle tur a ni. Kan kut ah hian hnam hmingthat leh hmingchhiat hi thui tak a in nghat a ni tih hriat reng hi a tha a ni.
9. Hnam ziarang chawinun kawnga Hmeichhiate mawhphurna:
~ Hnam zia rang chawi nung tur hian mipa leh hmeichhe mawhphurh na hi a hrang chuang reng reng lo a. Kan zo nun ze mawi tlawmngaihna te kan chawi nun reng a, aia upa zahna te kan chhawm nun reng a. Kan thil tih engkimah he zo nun ze mawi theihnghilh lo a ke kan pen zel chuan kan hnam ziarang chawinung tu tha tak a nih ka ring a ni.
10. Mizote tan 'Fa neih tlem' inzirtir hi a ṭulin i hria em? -
~ Hre lo, kan tun dinhmun en in fa neih tam in zirtir zual sauh sauh hi kan mamawh zawk a ni. Kan hnam hi chim ral mai hlauthawn awm kan ni a, chhanhim kan ngai zawk a ni. Fa neih tam hi kan chhungkaw dinhmun in a zir phawt chuan i uar deuh deuh ang u.
11. Mizo hnam ṭhanmawh bawk nia i hriat?
~ Ruih hlo leh hlemhletna.
12. Mizo hnam damna atana kawng awm nia i hriatte?
~ Pathian a tluk luh a, kan sual te sim a. Mimal tin te in enfiah hi hnam dam nan a kawng awm ni in ka hria.
13. Hnam chhan nana Hmeichhiate ṭangkaina leh mawhphurna?
~ Hmeichhia te hi Pathian in dinhmun ropui tak min chelh tir a, fa hring thei tur a mi bik taka a siam kan ni. Kan fate kan enkawl sei len na kawngah mawhphurh na lian tak kan nei a. Hmangaih taka enkawl a kan fate puitlin hun pawh a hnam hmangaihtu hnam inpumkhat na ngai pawimawh thiam tak tura kan enkawl seilen hi hnam inpumkhat nana kan tangkaina leh kan mawhphurh theih na niin ka hria.
14. Zirna, Khawtlang leh Kohhran hi?
~ Kal kawp tir thiam a har hle thin a, mahni hun neih ang te in siam rem thiam ngai tak ani. Zirlai thlahthlam si lo a fing taka Kohhran leh Khawtlang a in hman theih hi pawimawh ka ti hle ni.
15. Khawtlang, Kohhran leh nangmah
~ Ka theih ang tawk a tangkai zel ka tum, zirna avang in tunah chuan ka theih na ang te hman chhuah a la har a. Nakin zel ah pawh ka chelh reng leh ka nun kaihruai tu tur a ka thlan ber an ni fo ang.
16. Social Media leh Nangmah:
~ Social media tluk a khawvel thlir na tukverh tha mi tin ban phak a awm hi a awm kher lo maithei ni. Ka khaw hawi ti zau tu, ka hriat ngai miah lo tur te min hrilh hre tu tha tak a ni.
17. Mizoram ṭhalai tam tak tlakchham:
~ Taihmak na leh Mahni in rin tawk na.
18. Mizo ṭhalaite hian ngaihsan tur dik an ngaisangin i hria em?
~ Hria e. Rinawm leh taihmak vang a mi hlawhtling te hi ngaihsan kan thiam thar hle in ka hria.
19. Ngaihsan tur dik nia i hriat:
~ Mi rinawm, mahni leh chhungkaw chawm nan a rinawm taka sum thawk chhuak.
20. Hlawhtlinna tura pawimawh:
~ Mahni tum a chian a chumi a taima taka beih a, tei rei peih leh theihtawp chhuah. Hlawhchham chang awm thin mahse beidawng lo a beih tauh tauh hi a pawimawh a ni.
21. Hloh i hlauh ber:
~ Mahni inrintawkna
22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
~ Thlen theih hi ka ring a ni. Mimal tinin hnam hmangaihna kan neih a kan ram rinawm taka kan enkawl theuh hian nasa takin hnam in pum khat na ah min puih theih ka ring a ni.
23. Hnam dang nupui pasal neih hi:
~ Mimal duhthlan na ni in ka hria, ngaihdan hrang hrang kan nei thei awm e . Kei chuan nei te hi ka dem hran lo.
24. Nupui pasal neih hmaa mipat hmeichhiatna hman hi:
~ A tha ka ti lo hle a, thalai te kan fihlim lo in thil tha lo a ni tih kan theihnghilh fo thin. Hemi kawng a kan lo fihlim zawk nan tan i la thar sauh sauh ang u.
EXPLOREMIZORAM.COM i hmuh dan:
~ EXPLORE MIZORAM hi Mizoramah chuan website tha ber pawl leh thang duang ber pawl niin ka hria, news la khawm chak pawl leh mi thar apiang thur zung zung thei khawp a thil thar ngaihven tak a ni. In kal leh zelna turah duhsakna sang ber ka hlan a che u.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: