Ticker

10/recent/ticker-posts

Daniel Sailo MCS-in ama in chhung ngeia pa pakhat kut a thlak pawl hrang hrangin dem!

Aizawl | Oct 16, 2022: October 15, 2022(sat) zan khan Daniel Sailo MCS-in Upa B Zalawma (Ex-President Dampa Group YMA) chu ama (B Zalawma) in chhung ngeiah kal chilhin tawngkam mawilo tak taka ankhumin kut hial a thlak a, hei hian dem a hlawh hle a. A video hi social media ah a darh nasa hle.




Dampa Group YMA chuan, "Upa B.Zalawma hi W.phaileng khaw chhuak niin tunah Aizawl Tuikual N ah in leh lo neiin a inbengbel tawh a, zirtirtu pension, a vanglai hun zawng zawng ram leh hnam, khawtlang leh Kohhran tana inhmang zo a ni a. YMA hruaitu hlun, W.Phaileng Branch leh Dampa Group YMA tana sulhnu tam tak min hnutchhiahtu a ni a. A chunga hetiang a lo thleng hi kan thinrim takzet a ni." an ti a.

"He Officer chapo tak erawh hi chu, a hmuhsit em em thingtlang lamah chuan a hmel kan hmu duh tawh lo va, Dampa Group YMA huamchhung hi rawn dai tawh lo turin kan hriattir nghal bawk e," tiin an thuchhuah chuan a tarlang.


Tuikual North Local Council leh NGO hrang hrang chuan thuchhuah inṭawm siamin, "Ni. 15.10.2022 (Inrinni) zana kan veng, Tuikual North, Section – II a awm, Upa B Zalawma chunga kutthlakna thleng hi keini Tuikual North Local Council leh All NGO te chuan pawi kan ti em em a. Kutthlaktu hi *Daniel Sailo*, s/o Lalsailova Sailo, Ramhlun Vengchhak (Ramhlun Venglai Branch) House No-A 81, MCS 2014 Batch, Under Secretary, Finance & DM&R ni a hriat a ni a. Hetianga ama inchhung ngeia a pa rual hmusit taka a tawngkhum leh rawng taka kut a thlak hi kan dem tak zet a ni." tiin an tarlang.





YOUNG MIZO ASSOCIATION : DAMPA GROUP

         *THUCHHUAH*

October 15, 2022(sat) zana Daniel Sailo MCS-in Upa B.Zalawma (Ex-President Dampa Group YMA), ama in chhung ngeiah kal chilha tawngkam mawilo tak taka a ankhum leh kut hial a thlak hi Dampa Group YMA chuan zahpuiawm kan tiin kan dem takzet a. Hetiang MCS Officer chapo, thingtlang mite min hmusittu, aia upa zahna chang hre lo leh nunphung hre miah lo hi a chhawrtu Sorkar hian na takin hrem rawh se.

Upa B.Zalawma hi W.phaileng khaw chhuak niin tunah Aizawl Tuikual N ah in leh lo neiin a inbengbel tawh a, zirtirtu pension, a vanglai hun zawng zawng ram leh hnam, khawtlang leh Kohhran tana inhmang zo a ni a. YMA hruaitu hlun, W.Phaileng Branch leh Dampa Group YMA tana sulhnu tam tak min hnutchhiahtu a ni a. A chunga hetiang a lo thleng hi kan thinrim takzet a ni.

He Officer chapo tak erawh hi chu, a hmuhsit em em thingtlang lamah chuan a hmel kan hmu duh tawh lo va, Dampa Group YMA huamchhung hi rawn dai tawh lo turin kan hriattir nghal bawk e.

Sd/-
PC ROBUANGA
President

Sd/-
B.RAMNGAIHZUALA
Secretary
Dampa Group YMA



LOCAL COUNCIL & ALL NGO – TUIKUAL NORTH

*THUCHHUAH*


Ni. 15.10.2022 (Inrinni) zana kan veng, Tuikual North, Section – II a awm, Upa B Zalawma chunga kutthlakna thleng hi keini Tuikual North Local Council leh All NGO te chuan pawi kan ti em em a. Kutthlaktu hi *Daniel Sailo*, s/o Lalsailova Sailo, Ramhlun Vengchhak (Ramhlun Venglai Branch) House No-A 81, MCS 2014 Batch, Under Secretary, Finance & DM&R ni a hriat a ni a. Hetianga ama inchhung ngeia a pa rual hmusit taka a tawngkhum leh rawng taka kut a thlak hi kan dem tak zet a ni.

Mizo hnam nuna aia upa zah leh tlawmngaihna nun hre lo, mahni pa te rual pawh kutthlak hreh lo hi kan khawtlanga nunau leh kum upa te tan a hlauhawmin a him lo hle in kan hria a, kan veng leilung rawn rap tawh lo turin kan duh a ni. Tin, hetiang mize zahpuiawm tak nei Officer hi sorkarah nihna pawimawh nei tlakah kan ngai lova, a na thei ang berin sorkarin a chungah action la se tih hi kan duhdan a ni e.



            Sd/-
(H.LALRAMZAUVA)
Chairman
Local Council
Tuikual North

        Sd/-
(LALMUANPUIA)
President
Tuikual North Branch YMA
       Sd/-
(LALNUNHELI)
President
MHIP, Tuikual North Branch

      Sd/-
(RC LIANA)
President
MUP, Tuikual North Branch




WEST PHAILENG WELFARE AIZAWL
THUCHHUAH

October 15, 2022 (Inrinni) zana Daniel Sailo MCS-in Upa B. Zalawma, Tuikual North, Aizawl chunga kutthlakna a thlen hi keini West Phaileng Welfare Aizawl te chuan pawi kan tiin hetianga ama inchhung ah ngei a pa rual hmusit leh deusawh taka a tawngkhum bakah kut a thlak hi kan dem tak zet a ni.

Upa B. Zalawma hi W. Phaileng khaw chhuak niin tunah hian Aizawl Tuikual North ah in leh lo neiin a inbengbel tawh a, a that lai hun zawng zawng khawtlang leh kohhran tan a hmang ral niin, Middle School zirtirtu pension a ni. Kum upa zawk leh chaklo zawkte chungah hleilenna hi tun hnuah thleng tawh lo se West Phaileng Welfare Aizawl chuan a duh tak zet a ni.

Hetiang officer chapo leh aia upa te pawh zahpahna nei miah lo a, kut hial thlaktu hi keini West Phaileng Welfare Aizawl chuan a phutawk hremna thuneituten a chungah lek ngei turin kan phut tlat a ni.


Sd/-

MICHAEL LALRAMSANGA
Chairman 
West Phaileng Welfare Aizawl

Sd/-
H. LALBIAKTHUAMA
West Phaileng Welfare Aizawl

Date: 16.10.2022








(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

 


Post i hmuh dan

Post a Comment

0 Comments