Aizawl | Oct 17, 2022: Lamchhip Presbyterian Kohhran leh Foundation For Drug-Free Mizoram te tangkawp chuan inrinni chhun dar 01 khan Lamchhip Kohhranah ruihhlo in mihring rilru, taksa leh thlarau a tihchhiat dan an zirho.
He zirhona hi Prof. Lalbiakdiki Hnamte, Resource Person chuan kaihhruaiin; ruihhlo chu a bawiha mi a tang tawh anih chuan tal chhuah a harsat tawh avangin; ti chhin ve lo turin kohhran hote a sawm a. Nl. Sylvia Lalvenpuii Exponent chuan kohhran hote fuihna leh Nl. Feli Thangluah ECM chuan intiamna hun kaihruaiin; zaia rawngbawlna a nei.
He hun hi Upa V. Laldingliana Kohhran Chairman chuan a kaihruai a, Upa Roluahpuia Kohhran Secretary in report leh chibai bukna a nei a, an khawtlangah ruihhlo an hmelhriat ve tan tawh avangin kohhran chuan a ngaimawh tih a sawi.
He pawl dintu President Tv. V. Lalnunthara (Mathara) chuan Lamchhip Kohhranin vantlang sualna kohhran mawha la a; a inven lam hna a ngaipawimawh chu changkang a tih thu leh kohhran tin te tan entawn tur anih thu a sawi.
Lamchhip Kohhran atangin Lalruatsangi, Senior Department chuan zai a rawngbawlna a nei. Lamchhip Kohhran inbuatsaihna a tha hle a, Lamchhip Kohhran naupang sunday school leh KTP mi 80 te chu ruihhlo laka fihlim turin an intiam.
Lamchhip ah hian in 200 vel awm mekin; mihring cheng 980 an ni a; chung zinga in 190 chu mei khu chhuahna niin; Presbyterian Kohhran member 500 dawn an awm mek.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: