Ticker

10/recent/ticker-posts

'Zoram buai laia AO te' lehkhabu tlangzarh

Champhai | Sept 9, 2022: Zoram buai laia Administrative Officer (AO) hna pawimawh tak chelhtu hrang hrangten an tawnhriat an ziah lakkhawm, Pu B.Lalchhawntluanga, PD, DRDA Champhai buatsaih, 'Zoram buai laia AO te', tih lehkhabu chu vawiin chawhnu dar 1:30 khan Champhai District Bawrhsap Pu James Lalrinchhana chuan I&PR Auditorium Champhaiah a tlangzarh.


Pu James Lalrinchhana chuan lehkhabu tha tak, zoram buai laia Administrative Officer-te tawnhriat hrang hrang ziaka dah a ni ta chu lawmawm tiin, kan ram chanchin thangtharten nakin zel thlenga an hriat theih tura ziaka dah that a ni thei chu a finthlak hle a ni, a ti a. Administration lama tawnhriat ngah leh sulsutu hmasate zinga mi, AO te thahnemngaihna hmanga zoramin hun pawimawh a paltlang dan tarlante chuan inrelbawlna kawnga thil thlengte chiang takin a tilang a, hun tawn ang zela insiamrem thiam thei tura zirtirtu tangkai tak a ni thei dawn a ni, a ti bawk.

AO te chu security force leh mipui inkara inhmuhthiamlohna awm theite chinfel a nih theih nana theihtawp chhuaha thawk thinte an nih thu tarlangin, chhuanawm tak tak pension an awm mek karah tha tak tak Sawrkar tana tangkai tak tak an la awm chuan civil administration lamah awmzia a nei thui hle a ni, a ti a. District mipuite chu lehkhabu ziaktute thawhrimna leh taimakna ngaihlu thiam tur leh thlawp tlat thin turte, lehkha ziah leh chhiar uar thar leh turtein a chah a. Lehkhabu tlangzarh tak chuan civil administration tangkaina leh pawimawhna zau zawkin mipuiteah zirtirna pe se a duh thu a sawi bawk.

He hun hi Pu Larry Lalbiaktluanga, RAO, DRDA Champhai chuan kaihruaiin lehkhabu thlirlawkna leh sawizauna a nei bawk.


- DIPR
Post i hmuh dan

Post a Comment

0 Comments