Aizawl | Sept 10, 2022: Mizo tlangval Msa Ralte chuan August 30 khan amahin a bike hmangin Khawvela Lirtheia thlen theih sang ber (Top of the Highest Motorable Road in the World) Umling La inkhalh thlengin, vawiin chhun khan Aizawl a lo thleng.
Msa Ralte hian August 15 khan Aizawl a chhuahsan a, Vawiin khan Aizawl a lo thleng leh a, Aizawl a chhuahsan aṭanga ni 27na-ah chiah kum 7,133 chuang zinkawng a zawh hnuin Aizawl a rawn thleng leh ta a ni.
Mizo tlangval Msa Ralte chuan August 30 khan a bike hmangin Khawvela Lirtheia thlen theih sang ber (Top of the Highest Motorable Road in the World) Umling La a inkhalh thleng a. Ama bike vêkin rawn inkhalh thleng lehin vawiin chawhma dar 11:30 vel khan Sakawrhmuituai tlang, hliappui a lo thleng a, a telna matchlezz rider club bakah rider ṭhahnem takin an hmuak.
Msa chuan, "khawvela lirtheiin a thlen theih sang ber ka thleng a, eng dang mah ka hmu lo, Pathian chiah ka hmu!" tiin a thawhrimnaa hlawhtlinna a chanah hian Pathian ropuina a hmuh nasat zia a sawi.
A chhungte'n an thlawp that zia sawiin, "fapa mal ka ni a, chuti chung chuan ka chhungte'n kal lo turin min ti ngai lo" a ti a, kawng lakah nunna chan thei a ni a, chumi tawng thei a nih zia hre leh pawm chungin, a chhungte'n an kaltir thu sawiin, "Ka bike chahbi-ah hian in case of emergency call my family tiin number pathum ka dah a, chumi chu call ngai lovin Pathianin KM 7,133 min hruai a ni," a ti.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Umling La hi ft 19,024 a sanga awm niin, Ladakh-a awm a ni. Kum 2017 khan Chisumle leh Demchok khaw inakar kawng laih a ni a, he kawng hian 'Umling La' pass hi a paltlang a. Border Roads Organization (BRO) in he kawng an siam zawh hian 'world's highest motorable road and pass' a puan a ni.
Malsawmdawngzela (Msa Ralte ) s/o Lalringa Tuikhuahtlang, Aizawl hi August 15 khan Umling La 19024ft, Ladakh panin Solo Ride in a chhuak a, km 4830 a tlan hnu-ah August 30 chawhma 11:05 khan Umling La hi tluang takin a thleng.
Hriat theih chin-ah Msa Ralte hi Mizoram atanga mahni a bike a he hmun thleng hmasa ber a ni.
Umling La hi Khawvel a motor thlen san theih na berna hmun a ni.
Msa Ralte hian Solo Ride nei tur hian nikum lam atang khan a inbuatsaih tawh a, a hriselna a ulukin, a inenkawl tha hle a. Chu mai bakah, mahnia inkhalh thleng tur a nih avangin mamawh hrang hrang a inlam khawl a, kawng lakah chhiat tawk thut thei a ni tih inhriain miin an hmuha a chhungte an biakpawh maina turte pawh print lawk vekin a keng tel.
Msa Ralte hian August 15 khan Aizawl a chhuansan a, August 30 chawhma dar 11 khan a tum ram 'Umling La' a thleng a, he zinkawng atan hian ni 15 a hmang a, Km 4830 tha leh zung tam tak senga mahnia a bike (bullet) a khalh hnuah a tum ram a thleng ta a ni.
Umling La kher solo ride atana a thlan chhan sawiin Msa Ralte chuan, "khawvela motor kawng sang ber/motorin a thlen theih sang ber a nih vang" a ti.
Msa Ralte @ Khardungla
A thlalak dang:
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: