Ticker

10/recent/ticker-posts

Smuggler case nei lai mek leh kan sawrkar inzawmna hi minister leh MNF party hi sawifiah turin kan phut - TBC Lalvenchhunga

Aizawl | Sept 26, 2022: Vawiin khan ZPM PAC Member, Pu TBC Lalvenchhunga leh ZPM Vigilance Department chuan Kolasib Press Club-ah Press mite kawmin, "Smuggler case nei lai mek leh kan sawrkar inzawmna hi minister leh MNF party hi sawifiah turin kan phut," a ti. 


Pu TBC Lalvenchhunga chuan, "Abu Mazumdar (Abub Ahmed Mazumder), Assam lama dan pawisa lo leh Assam sawrkar pawhin a veh reng ṭhin, tuna bail-a chhuak mêkin Kolasib Fast Track Court thar tur lungphumna program-a a tel ve ringawt leh FCS&CA Minister Pu K Lalrinliana ina thlamuang taka chaw a ei lai kan hmuhin a hmun ngeia rawn finfiah ṭhain kan hria a. Nikum lawkah state pahnih Chief Minister ten ramri chungchang sawi tura an inkawmnaah he Mazumdar-a hi a tel tawh bawk a. He smuggler, case nei lai mêk leh kan sawrkar inzawmna hi Minister leh MNF Party hian sawifiah turin kan phut a ni," a ti. 

TBC Lalvenchhunga chuan, "District Fast Track Court hnen atangin Abu Mazumdar a hi sàwm a nih loh thu kan finfiah a. Hnam party inti te zinga a rawn tel ngawt hi tu sàwm nge ni a, tunge ILP hi sponsor tih leh Mizoram sawrkar hian buhfai supply tura engvanga la hmang reng nge a nih a, dan pawisa lo smuggler-in Mizoram supply minister ina thlamuang taka chaw a ei tih kan hriat hian hnam party inti te, Pathian leh kan ram tan titu te hian hnam dang lakah kan ram hi an hralh mêk em ni, tih hi kan zawhna a ni," a ti bawk.

ZPM General Secretary Vigilance Department changtu SL Ngursailova Sailo chuan, “Kolasib Fast Track Court lungphum-a technical report leh contract agreement zat inang lo te, court room kim lo leh lift kim lo te hi kan enzui dâwn a ni,” a ti bawk.

Press Conf hi ZPM hruaitu dang te'n an ṭawiawm a ni.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments