Lunglei | Sept 26, 2022: Vawiin khan Lunglei District chhung World Bank kawng 100Km-160KM Kanghmun - Lunglei kawng thawm that hnathawktu Bhavya Construction te hnathawh chungchang ah Lunglei Bawrhsap Pu Kulothungan A, IAS chuan Lunglei Media te a kawm. He hunah hian Bhavya Construction aiawhin Pu Horendra Kumar Barua, Project Manager lo telin, he kawng hi October 2022 chhung ngeia repair hna an zawh fel tur thu a intiam a ni.
Pu Kulothungan A chuan Lunglei District chhung World Bank kawng thawm that hnathawktu Bhavya Construction ten an lo buaipui tawh chu a chhiat em avangin sawrkar in dan a neih Disaster Management Act hmangin Bhavya Construction te chu Lunglei DC hma a in lan tura koh an nih thu a sawi a. Mipui, Lirthei neitu leh District Administration te lungawina khawp a kawng siam tha tur leh a hun chhunga kawng thawm hna an zawh fel a tul thu a sawi a, hun tiam chhunga an zawh loh chuan Mizoram State chhunga hnathawk theilo tur a black list a nih theih thu a sawi bawk.
Bhavya Construction aiawh in Pu Horendra Kumar Barua, Project Manager chuan an hnathawh dan chungchang sawiin kawng thawm (Resurfacing) hna hi 24.4.2022 khan zawh a ni a, defect liability (an kawng siam chhe leh repair hna thawh) hi 31.3.2023 thleng a nun thu a sawi a. Fur ruahtui vangin kawng siam hi a chhe nasa hle a, kawng chhe thawm that hna hi kalpui mek a ni a, team pathumah in then in kawng khuar zual lai te chu motor tlan theih nan hnawh mek zel a ni. He hna hi October 2022 chhung a zawh hman ngei an tum a, an intiam a ni. Mizoram sawrkar chuan Pu Robin Lalrinawma, S.E, PWD E in C office, Aizawl kaihhruaiin study team kawng chhiat chhan zirchiang turin a din a, report an thehluh hunah kawng chhiat chhan hriat a ni ang, a ti.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: