Aizawl | Sept 23, 2022: Vawiin khan School Education Minister Pu Lalchhandama Ralte chuan NSS Day vawi 53-na Aizawl-a Vana Pa Hall-ah a hmanpui. NSS Day hi September 24 a ni a, mahse remchan zawkna avangin vawiin hian lawm a ni.
School Education Minister chuan he hunah hian thusawiin NSS volunteers ten khawtlang leh ram tan thil tha an tih chi hrang hrangte chu a thlawn dawn lo a ti a, midangte zirtirtu ni zel turin NSS volunteers te chu a fuih. NSS thupui Not me but you tih chu midangte tana nun a ni a, a Pathian thu hle a ni a ti a, nun kaihruaitu ni zel se a duh thu a sawi. Mizo kan nih angin kan pipute kha harsatna tawkte tanpuitu ni thin an ni a, NSS volunteer te chu an thupui an nunpui hian Mizo nun an nunpui a, Kristian nihna atangin Lal Isua nun an nunpui bawk a ni a ti a.
Minister chuan a huhova khawsaa inpeizawn thin kan ni a, tunah chuan kan hnam nunphung tam tak a tlahniam sawt hle a, midang tana nun hmang peih kan tlem tial tial a ni a ti a. NSS Volunteer te hian Not me but you tih hi khawtlangah a taka an hman a tul a ni a ti a. Midang tana malsawmna nia mahni inhlan ral zel turin volunteer kalkhawm te chu a sawm a ni.
Minister chuan a huhova khawsaa inpeizawn thin kan ni a, tunah chuan kan hnam nunphung tam tak a tlahniam sawt hle a, midang tana nun hmang peih kan tlem tial tial a ni a ti a. NSS Volunteer te hian Not me but you tih hi khawtlangah a taka an hman a tul a ni a ti a. Midang tana malsawmna nia mahni inhlan ral zel turin volunteer kalkhawm te chu a sawm a ni.
Minister hian an hnathawh that avanga pek State Level NSS Award for 2021-2022 chu C. Lalramliana NSS Programme Officer, Govt. Serchhip College leh Lalrempuii Sailo NSS Volunteer Govt Serchhip te hnenah a hlan a. He Award hian Chawimawina thuziak leh pawisa fai a keng tel a ni.
Minister hian Sports Minister’s Trophy for Voluntary Blood donation chu a hlan bawk a, lawmman dawngtute chu College lamah Pakhatna Pachhunga University College, pahnihna Govt. Hrangbana College leh pathumna Govt. Aizawl College te an ni. Higher Secondary School-ah pakhatna Synod HSS, pahnihna Helen Lowry SS leh pathumna Govt. Central HSS ten an dawng bawk. He lawmman atan hian Rs 2,00,000/-(Nuai hnih) sem ral a ni a, Citation pek vek an ni bawk.
NSS day lawmnaah hian khualzahawm Pu K.Lalrohlua Director, Sports & Youth Services Department pawhin thu a sawi a, NSS volunteer ten vantlang tan hna tha tak an thawk thin te chu lawmawm a tih thu a sawi a, midangte tana nun chu chhunzawm zel turin a sawm a, Kum 2021-2022 NSS Annual Achievement Report a tlangzarh nghal bawk.
NSS day Lawmna programme hi Dr Benjamin L. Saitluanga, Programme Coordinator NSS Cell MZU chuan a kaihruai a. Dr Zirlianngura State NSS Officer, NSS Cell Mizoram chuan NSS lo pian chhuah dan, a thil tum tlangpui te leh tun hnai kum 3 kal ta chhunga NSS Mizoram chetna pawimawh zual deuh deuh te a tarlang bawk.
NSS Day hi Mizoram puma NSS awmna Institution ten vawiin hian an hmang hlawm a, naktuka hmang turte pawh an awm bawk. NSS Day lawm nan hian Institution then khat chuan damlote tan a thlawnin Thisen an pe, a thenin anmahni Institution leh vantlang hmun an ti fai a ni.
NSS hi September 24 1969-ah Mahatma Gandhi kum 100 tlin pualin din a ni a, tunah chuan NSS enrolment chu India ram pumah chuan NSS volunteer hi nuai 40 lai an lo tling tawh a ni.
Mizoramah chuan Pachhunga University College ah kum 1972 khan NSS hi din a ni. Chumi hnuah College hrang hrangah din belh zel a ni a. Kum 1996 atangin College-ah Pre- University (PU) awm tawh lovin, Higher Secondary School lamah an kal tak avangin, NSS pawh kum 1997 atangin Higher Secondary School lamah din a lo ni ve leh ta zel ani. Tunah hian Mizoram pumah NSS Unit awmna School leh College 100 lai an awm tawh a ni.
NSS day lawmnaah hian Institutions 32 atangin NSS Programme Officers 60 leh Volunteers 900 vel an pung khawm a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: