Mizo Inchai chak hmingthang Vanlalkulha a boral

byAdmin — 0
Aizawl | September 3, 2022: Mizo inchai chak hmingthang Vanlalkulha chu  vawiin tlai khan Trinity Hospital, Aizawlah a boral.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Inchai chak hmingthang Vanlalkulha, Beraw Veng, Zemabawk North-a cheng hi, Hun rei tak chhung damlohna vangin enkawl a ni a, kar tir lamah khan a thi anga thu thang pawh a awm hman.

Vawiin September 3, Inrinni chawhnu dar 2:25 PM khan chatuan ram hi a pan.

Ni 23, August, 2022 tlai lam khan Trinity Hospital, Mel-3 ah dah niin, ni 3 Sept. 2022, chawhnu lam dar 2:25 khan Trinity Hospital-ah Stroke vangin a boral ta a ni. Ni 4, Sept. 2022, chhun dar 1:00 ah a chenna in Zemabawk North, Beraw Vengah vuiliam a ni ang.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Vanlalkulha(78) hi Hranghleia leh Biakveli te fa naupang ber ni turin ni 16.5.1944
ah N.Vanlaiphia khuaah a pianga, a hming hi Indopui II-na laia N.Vanlaiphai khuaa Japan in Bomb an thlaka, an chhungkua hum taka Pathianin a humhimna mak tak chawia phuah a ni nghe nghe.


Vanlalkulha hi Mizopa ah chuan palian kan tih ang hi a ni a. A vang laiin feet 6'1 a
sang niin kg.106 a rit a ni. Pheikhawk pawh no.12 zet a bun a, lehkha pawh pawl 8 a zir thleng a ni.

Kum 1965 ah hian Inchai pui neihah chak ber ani a, Mizoram inbuanpui buatsaihah chak ber a ni bawk. Biaksanga Champhai leh Vankunga Champhai ten an chova, hemi vek hian a hneh ve ve a ni.

Vanlalkulha hi Mizoram Wrestling Association-ah Adviser ni lai a ni.




MWA in Vanlalkulha chanchin tawi an chhuah:

VANLALKULHA(79) ADVISER A BORAL
Mizoram Wrestling Association, Gen. Headquarters, Adviser nilai, Pu Vanlalkulha(79) Beraw Veng, Zemabawk North chu a boral. Ni 23, August, 2022 tlai lam khan Trinity Hospital, Mel-3 ah dah niin, ni 3 Sept. 2022, chawhnu lam dar 2:25 khan Trinity Hospital-ah Stroke vangin a boral ta a ni. Ni 4, Sept. 2022, chhun dar 1:00 ah a chenna in Zemabawk North, Beraw Vengah vuiliam a ni ang.

Vanlalkulha(78) hi Hranghleia leh Biakveli te fa naupang ber ni turin ni 16.5.1944
ah N.Vanlaiphia khuaah a pianga, a hming hi Indopui II-na laia N.Vanlaiphai khuaa Japan in Bomb an thlaka, an chhungkua hum taka Pathianin a humhimna mak tak chawia phuah a ni nghe nghe. 

Vanlalkulha hi Mizopa ah chuan palian kan tih ang hi a ni a. A vang laiin feet 6'1 a
sang niin kg.106 a rit a ni. Pheikhawk pawh no.12 zet a bun a, lehkha pawh pawl 8 a zir thleng a ni.
Inbuan, inchai te a khelh ve tawh a ni a, heng inelnaah te hian tel tawh thinin chak ber nihna a lo la fo tawh a ni. Kum 1962 kuma buatsaih Mizo inbuan Champion, Biate Zone Sports ah leh kum 1963 a buatsaih Serchhip Block Developement Sports ah te tha ber nihna 'Best Boy' a thlan a lo ni tawh a. Hemi tum hian inbuan, insuknawr, high jump, shot-put, thirtiang khawhahte pakhatna a ala a ni. Mizoram inbuanpui 1964 a neihah chak ber a ni a, hetah hian Mizorama chak inti leh hmingthang chu an kim vek a ni.

Kum 1965 ah hian Inchai pui neihah chak ber ani a, Mizoram inbuanpui buatsaihah chak ber a ni bawk. Biaksanga Champhai leh Vankunga Champhai ten an chova, hemi vek hian a hneh ve ve a ni.

Kum 1966 khan Athletics meet Nowgong, Assam-ah a tel a, kum 1964-77 chhung
hian inchai, Mizo inbuanaah te a lo chak ber tawh a. A hun lai hian amah chotute vawi 7 a buan a ni. Lung ft.39 a deng a, thirtiang khawhah ft.48 a khawh bawk. A vang laiin lenhmui hring chartin thingzai ft.12 a sei 6 vawi khatah a pu zo a. Buh tin 8 a phur zova, tui a chawi reng rengin vawi khatah tin 5 a chawi thin. Kum 1999 khan All India Forest Sports Meet, Lucknow ah ah Mizoram ai a awh tumin Lungdenah 9.98 metre dengin pakhatna a ni a. Lungden hi veteran record a tling hial a ni.
Sport Association hrang hrangah in hmangin, Tuichangral Games & Sport, Mizoram Wrestling Association, Mizoram Football Association, Lungdar East Zone ah te hruaitu a lo ni tawh thin a ni.
Eizawnna lamah hna chi hrang hrang Chowkider, peon, forest guard, forester, beat officer hna lo chelh tawh thin a. Rambuai avangin Masimpur, Guwahati, Bareilu, Tezpur ah te a lo awm tawh thin bawk a ni.

Pu Kulha sawi danin, Inchai hi a tuina ber a ni lova, eng ang taka thahrui nei tam
nge a nih a hriat theih nan chauha inchai khel a nih thu a sawi. He tih rualin 'Inbuan' erawh a tuina ber a ni a, inbuan ah hneh loh a neih loh thu sawiin, a tumpui a piang a hneh avangin Inbuan hi mite thinlungah a thih thu a sawi a. A tumpui a piang a hneh avangin an cho ngam lova, miin an khel tam peih lo niin a sawi bawk a ni.

Hetiang hian sulhnu a lo nei tawh -
@ Kum 1962-ah Mizo inbuan, Biate Zone-ah champion a ni.
@ Kum 1963-ah Serchhip Block Development Sport-ah Best Boy niin Inbuan,
@ Insuknawr, High jump, Shot put leh Thirtiang khawhah te lawmman pakhatna a la
@ Kum 1964-ah Mizoram Inbuanpuiah champion lawmman a la. Hemi tumah hian
@ Mizorama chak inti leh hmingthang thamte chu an kim hle a ni.
@ Kum 1965-a Mizoram Inbuanpuiah champion.
@ Kum 1965-ah Inchai (Wrestling)-ah Mizoram Champion a ni. Hemi tumah hian amah chotu Biaksanga leh Vankunga, Champhai ve vete chu a hneh ve ve a ni.
@ Kum 1972 ah Robuanga hnehin Mizo Inchaiah a champion
@ Kum 1975 a Vanlalkulha chai thei tur zawn a ni a, Vumzathanga, Tlangdingliana leh Vanlalmawia to an lo chhuak a, Tlangdingliana a in hnuk dawk a, Vanlalkulh-an mi pahnih hi a hneh ve ve a, Champion a ni.
@ Kum 1977 ah Tlangsiama nen inchaiin inhliamna avangin a chak lo a.
@ Kum 1983 ah Tlangsiama hnehin Mizo Inchaiah a Champion nawn.

Issued by; Mizoram Wrestling Association, General Headquarters, Aizawl ; Mizoram





Sports news @ Channa_TheAnswer


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post