MIC Chief Information Commissioner-in Governor Hari Babu Kambhampati hmu

Aizawl | Sept 20, 2022: Vawiin chawhma khan Pu Lalnunmawia Chuaungo, Chief Information Commissioner, Mizoram Information Commission (MIC) chuan Governor Hari Babu Kambhampati a hmu a.  Right to Information huanga hmalakna hrang hrangte a hrilh. He hunah hian Pu Zorammawia, Information Commissioner(IC) pawh a tel a ni.

CIC Pu Lalnunmawia Chuaungo chuan MIC in Section 4 of RTI Act a in ziak anga  Suo Motu Disclosure ti hlawhtling tura sawrkar department te a hriattir chu zawm a hlawh thawkhat tih Governor hnenah hian a sawi a. Department tlem azawngin tun thlengah an la tih loh avanga an hotute insawifiah tura an koh mek thu a sawi. Suo Moto Disclosure awmzia chu Department hmalakna hrang hrang leh mipuiin an hriattur te RTI hmanga dil kher ngai lova department website a lo dah lawk leh a tul anga update a ni a ti a. RTI hmanga zawhna zawttu an tlem thin chu siam that tumin RTI Online siam a ni a. Hei hian RTI hmanga zawhna online kaltlangin a theih tawh avangin RTI tangkaina phawk chhuak turin zawhna te pawh a awm belh chho zel turah an ngai a ti.

Governor Hari Babu Kambhampati chuan CIC leh a thawhpui te chu hna an thawk tha nia a hriat thu a hrilh a. DAA ,SPIO leh SAPIO te nena inthlunna nghet zawk leh inbiakpawhna tha zawk an neih theih dan tur kawng dap zel turin a chah a ni  Sawrkar langtlang leh dik a awm theihnan RTI hmangtu Mizoramah an tam chhoh zel a beisei thu a sawi a. RTI Week hawnna October 6, 2022 neih huna hmanpui tura CIC in a sawmnaah pawh tel ngei a tum thu a sawi a ni.

Pu H. Dolianbuaia, Secretary, MIC leh Pi Lily, DS, MIC te pawhin CIC hi an tawiawm a ni.

- DIPR

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)