Aizawl | Sept 5, 2022: MBSE chuan August ni 1, 2022-a High School leh Higher Secondary School naupang registration chungchanga thuchhuah a siam tawh chhunzawmna a siam leh a. Registration thehluh theih hun chu September ni 9 (Zirtawpni), 2022 thleng pawh sei a ni a. Late fee chawiin September ni 16 (Zirtawpni), 2022 thleng a la tih theih dawn a ni.
MBSE thuchhuah ang chuan, Pawl 9 leh Pawl 11 naupang registration hi MBSE online portal - mbseonline.com kal tlang in tih vek tawh tur a ni a. Pawl 9 leh Pawl 11 repeater, registration number nei tawhte pawh a tharin online portal-ah in register leh vek tur a ni. Hei hi a ngaihna chhan chu online portal hmanga registration number format thar hi exam form thehluhna atan kum 2024 atang chuan hman a nih tawh dawn vang a ni.
Online portal-ah hian fee pek loh chuan registration a tih theih loh avangin Pawl 9 leh Pawl 11 repeater-te hi fee chawi a register phawt tur a ni a. He fee pek hi registration tih zawh hnuah reimburse leh theih a ni ang a. ziakin Secretary, MBSE hnenah registration fee reimburse dilna hi thehluh tur a ni. Dilna lehkha ah heng- Bank Account Number,Account Holder hming, IFSC Code leh Bank Branch hming te ziahlan tur a ni.
Pawl 10 leh Pawl 12 zir mek nikum lama registration ti hman lo te erawhchu MBSE Office, Aizawl leh Regional Office, Lunglei-ah te late fee chawiin offline a tih tur a ni.
Post a Comment
He post chungchanga i ngaihdan lo sawi ve rawh: