KNP Republic Vengthlang Pastor Bial Inkhawmpui Vawi 6-na nei

Aizawl | Sept 2, 2022: Kristian Naupang Pawl (KNP) Republic Vengthlang Pastor Bial Inkhawmpui vawi 6-na chu BCM Biak In, Republic Vengthlang-ah August, 27&28 2022 hmang khan neih a ni a.   Inkhawmpui ah hian thupui atan Rom 13:11 ‘Tunlai thil awmzia’ tih hmang in, Speaker atan Bialtu Pastor Rev. JC Vanlalluaia hman a ni.

Inkhawmpui ah hian Speaker hnen atanga Pathianthu ngaihthlak a nih bak ah, 'Social Media Etiqquette' tih thupui hmang in Pu Alan Lalhriatpuia hnen atangin ngaihthlak a ni. Intihsiakna atan Quiz buatsaih a ni a; Timothea Lehkhathawn 1&2 bak ah 2022 KNP Thuzir bu atangin neih a ni a, Quiz Master atan Tv. H.Muansangpuia, Asst Convener, KNP ITI Veng Unit chu hman a ni. Intihsiakna ah hian KNP Venghlui Unit te chu pakhatna an ni.

Special Item hrang hrang – Action recitation, solo, Worship dance, zaipawl, group zai leh Live Band te naupang ten hneh takin an entir bak ah, Tv. Zorema Khiangte leh Nl.H.Lalhmangaihsangi ten zaia rawngbawlna an nei bawk a ni.

- BCM