Ticker

10/recent/ticker-posts

Gauhati High Court Judge-in Central Jail tlawh

Aizawl | Sept 14, 2022: Vawiin khan Justice Nelson Sailo, Judge, Gauhati High Court chuan Central Jail, Aizawl a jail tangte a tlawh a. He hunah hian DAN LEH HRAI lampang inzirtirna chu High Court Legal Services Committee (HCLSC) te huaihawtin neih nghal a ni.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


He hunah hian jail tangte Dan leh Hrai zirtirna neih nghal niin, Justice Nelson Sailo hian jail tangte hnenah DAN bu mizo tawng a lehlin copy engemaw zat jail tangte tana tangkai tur legal provision leh punishment provision te a sem a ni. Jail tangte fuihin jail an tan hun chhung chu rilru leh taksa lam a insiamthat nan a hmang tur leh jail atanga an chhuah hnu pawh a chhungkhat leh thenawm khawvengte tan mi tangkai ni thei tawh zawk turin a fuih a ni.

High Court Legal Services Committee programme huaihawtah hian committee member te Central YMA, MHIP Gen. Hqrs leh MUP Gen. Hqrs atangin aiawhte an tel a. Gauhati High Court, Aizawl Bench-a Registrar Pu Joel Joseph Denga chuan High Court Judge-hi tawiawmin, he Legal Awareness Programme hi Pu R. Vanlalena, Member Secretary, Mizoram State Legal Services Authority chuan Chairman niin a kaihruai a ni.

Hemi hunah tho hian Central Women Jail lamah Legal Awareness Programme hman a ni bawk a. Justice Robin Phukan, Judge, GHC chuan he hun hi a hmanpui a. He hunah hian DAN LEH HRAI lam zirtirna neiin Mizo tawng a lehlin DAN BU sem a ni.

Resource Person, Pi Lalngaihsaki Fanai, Empanel Lawyer leh Pro Bono Lawyer ni bawk chuan jail tangte hriat tur Legal Matters a zirtir a. High Court Legal Services Committee member atana ruat MHIP Gen. Hqrs President leh nominated member ten an tawiawm bawk. He Programme hi Pi Gracy L. Bawitlung, Joint Registrar, Gauhati High Court, Aizawl Bench in a kaihruai thung a ni.

- DIPR
Post i hmuh dan

Post a Comment

0 Comments