Zun leh Ek thli pipe leak vangin Ramthar veng an buai

Aizawl | August 23, 2022: Kar kalta August ni 19, Zirtawpni atang khan Aizawl Ramthar Venga SIPMIU pipe line hi a leak tan tawh niin an sawi. A leak tantirh hian khawtlang hruaituten SIPMIU lamah compiant an siam nghal a, SIPMIU lam chuan, "Kan rawn en ange" an ti a. Irinni te a ni a, office chawlh ni a ni a. A tuk Sunday a lo ni leh bawk si avang te pawh a ni ang, SIPUMIU lam hian an ngaihsak zui mai lo niin thudawnna chuan a sawi.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Nimin Thawhtanni khan Ramthar Veng Local Council lam hian an veng chhunga zun leh ek thli pipe line leak chungchangah hian SIPMIU lam an be nawn leh a, "Kan rawn kal ang" an tia, an kal leh ta chuang lova. Vawiinah an be leh a, "chawhma lamah kan rawn kal ang" an ti a, chawhnu dar 3 velah SIPMIU lam thawktute hi an kal ta chauh niin an sawi. Vawiin chawhnu lama SPMIU lam thawktu, pipe leak en tute hian, "A hipa hip chhuah a ngai dawn a, motor nen rawn thawh a ngai ang" an ti a. Tlem azawng bak an khawih thei loh avangin naktuk lam an ngaichang leh ta ringawt mai niin min hrilh bawk a ni.
SIPMIU pipe line leak hi a vawikhatna a nih loh thu thudawnna chuan a sawi a, "April ni 10 khan hemi kawng pheiah tho hian a rawn leak chiam tawh a. Ngaih a tha tawh lo khawp mai" tiin min hrilh a ni.
Nizan khan ruah a sur avangin a leak nasa lehzual nia an hriat thu thudawnna chuan a sawi a. Ek In leh bathroom nena inthlunzawm ni si, ruah sur avanga a leak nasa hi chhuizui ngai tak niin a lang bawk.
Zun leh ek thli sawngbawlna Chite kam, Bethlehem vengthlang lama SIPMIU ten an siam hi Aizawl chhuah lam veng engemawzat pilot project atan hmangin, enchhinna kalpui mek a ni a. A project pawh a lian tham hle a, zawh fel a nih hnuah AMC kuta hlan tur a nih hmel a. Pilot project kalpui mek a nih angin a contractor hian maintenance chu kum engemaw chen la khawih zui tur ni awm tak a nih laiin harsatna a thlen changa buapui vat vat tu an awm lo anga lang hi enfiah a ngai khawp mai.

- MSR/Vanneihthanga Vanchhawng

Post a Comment

He post chungchanga i ngaihdan lo sawi ve rawh:

Previous Post Next Post