ZIRTIRTU PI LALBIAKENGI TIAM CHIN AWM LOVIN SUSPEND

Aizawl | August 30, 2022: Thangpui khuaa Zirtirtu, naupang Uniform phelh saka puh chu nimin khan Department in Suspend order a tichhuak a. Show Cause Notice pek a nih angin Lunglei South SDEO in a tanna hmunah a insawifiahna a ngaihthlak sak.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]





Thangpui SSA Primary School a zirtirtu, Zirlai naupang Uniform hlih saka puh, Child Welfare Committee Lunglei in a laka FIR an thehluh avanga Police in an man, Jaila awm mek chu vawiin khan Education Department in Suspend Order tichhuakin, a hna atangin chawlhtir nghal a ni.

Sub Divisional Education Officer Lunglei South in Zonet JB a hrilh danin, Department in enquiry a lakna chu a hmawr bawk fel thawkkhat a ni tawh a. Show Cause Notice pek a nih ang leh, Notice ah Insawifiah tura tih Ni chu vawiin a nih bawk avangin, Chief Judicial Magistrate phalna in vawiinah a tanna hmunah a insawifiahna ngaihthlak leh Record a ni a. Heng Report te hi Aizawl lama thuneitu sang zawk hnenah thawn leh nghal a ni a ti bawk.

SDEO chuan Nimin khan Department chuan Suspend Order a tihchhuah tawh thu sawiin, Order ah hian With Immediate Effect tih niin, nimin atangin Suspend a ni a ti a. Hetih lai hian a insawifiahna Report a thawnte ngaihtuahin thuneitu sangte an thutkhawm mek thu a sawi a. Vawiin lamah a insawifiahna report engkim thuneitu sang zawk hnenah thawn a nih hnuah chuan, Lunglei atanga tih theih ang angte chu tih zawh thawkkhat a nih thu a sawi bawk. 

Thangpui SSA Primary School naupang nu leh pa te chuan an zirtirtu man a nih tak hial avangin vawiin bikah an fate School an kal tir lo tih Thangpui atanga kan thudawnna chuan a sawi a. An zirtirtu chungah an rin aia naa Dan in ro a rel avangin khawtlang nu leh pa te rilru a khawih hle nia a lan thu kan thudawnna chuan a sawi a. Lungawi lohna lan tir pawh ni lovin, vawiin hian SSA primary School naupang tumahin sikul ankal lo tih sawiin, Zirtirtu la awm chhunte erawh chuan Sikul kalin Office pawh a inhawn thu a sawi .

Thangpui khuaa SSA primary School ah hian Zirtirtu pahnih awmin, Tunhnaiah SEDP zirtirtu pakhat dah belh a ni a. Pawl khat atanga Pawl 4 thleng awmin zirlai naupang 20 an awm thin tih thangpui khuaa kan thu lakna chuan a sawi a. Tunhnaia harsatna awm avangin Unau pahnih ten school an chhuahsan hnuah zirlai 18 an awm mek tih a sawi. 

Thangpui SSA primary School zirtirtu pakhat suspend a nih tak avang hian, He School a Class hrang hrang pali te chu Zirtirtu pahnihin an zirtir dawn tihna a nih avangin an indaih lo hle dawn a. Education Department thuneituten an indaih lohna phuhru tura hma an lak loh chuan, Zirlai zawng zawngin an tawrh phah thei nia a lan thu kan palai chuan a sawi a ni.

-  Zonet JB, Lunglei




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post