Aizawl | August 26, 2022: Govt Thangpui Primary School, Thangpui khua Lunglei district-ah pawl khat zirlai hmeichhe naupang pakhat chuan a zirlaipuite kut a tuar a, hemi ah hian remna siam tum lova zirtirtu in zirlai sikul uniform hlihsakin saruakin a haw tir niin thu dawn a ni.
Hemi chungchangah hian MZP chuan hma la nghalin zirlai saruaka hawtirtu zirtirtu hi hremna pek bakah a hna aṭang ban tir ngei an phut a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
MZP General Headquarters chuan thuchhuah siamin, August 24 leh August 25-a Govt Thangpui Primary School, Thangpui khua Lunglei district-a thil thleng, zirlai naupang pakhatin a zirlaipuite kut a tawrh chungchangah, remna siam tum lova zirtirtu in zirlai sikul uniform hlihsaka saruaka a haw tir hi MZP chuan hriatthiam har a tiin a dem tak zet a. He harsatna thlen avanga zirlaiin damdawiin (John William Hospital, Lunglei) a enkawl ngai hial khawpa a tuar hi MZP chuan pawi a ti hle, tih a tarlang.
He thu hi MZP in a hriat ve leh hma la nghalin sikul thuneitute pawh a be pawp nghal a, a tul anga hma la turin a ngen nghal a. Zirlaite chunga lainatna leh hmangaihna engmah lantir lova Hmeichhe naupang pawl khat zirlai sikul uniform haklai hlihsaka hawtirtu Pi Lalbiakengi, SSA teacher hian Human Rights nasa tak a bawhchhiat avangin zirtirna hna hi chhunzawm zel tlakah MZP chuan a ngai lova, hremna mai piah lamah dan anga a hna atanga chawlhtir ngei turin MZP chuan thuneitute a phut a ni, tiin MZP thuchhuah chuan a tarlang.
MZP chu zirlai pawl a nih angin Mizo zirlaite tan engtiklai pawhin a ding reng a, August 24 leh August 25 a thil thleng ang hi eng zirna inah mah thleng nawn tawh lo turin sikul thuneitute leh thawktute a ngen a ni.
MZP chuan, John William Hospital, Lunglei-a enkawl mek zirlai hi cheng sanghnih (2000) in a kan a ni.
___________________________________________
No. E-93/MZP-GHQ/2021-2023/53 Dated Aizawl, the 26th August, 2022
MZP PRESS RELEASE
MZP General Headquarters chuan, August 24 leh August 25-a Govt Thangpui Primary School, Thangpui khua Lunglei district-a thil thleng, zirlai naupang pakhatin a zirlaipuite kut a tawrh chungchangah, remna siam tum lova zirtirtu in zirlai sikul uniform hlihsaka saruaka a haw tir hi MZP chuan hriatthiam har a tiin a dem tak zet a. He harsatna thlen avanga zirlaiin damdawiin (John William Hospital, Lunglei) a enkawl ngai hial khawpa a tuar hi MZP chuan pawi a ti hle a ni.
He thu hi MZP in a hriat ve leh hma la nghalin sikul thuneitute pawh a be pawp nghal a, a tul anga hma la turin a ngen nghal a. Zirlaite chunga lainatna leh hmangaihna engmah lantir lova Hmeichhe naupang pawl khat zirlai sikul uniform haklai hlihsaka hawtirtu Pi Lalbiakengi, SSA teacher hian Human Rights nasa tak a bawhchhiat avangin zirtirna hna hi chhunzawm zel tlakah MZP chuan a ngai lova, hremna mai piah lamah dan anga a hna atanga chawlhtir ngei turin MZP chuan thuneitute a phut a ni.
MZP chu zirlai pawl a nih angin Mizo zirlaite tan engtiklai pawhin a ding reng a, August 24 leh August 25 a thil thleng ang hi eng zirna inah mah thleng nawn tawh lo turin sikul thuneitute leh thawktute a ngen a ni.
MZP chuan, John William Hospital, Lunglei-a enkawl mek zirlai hi cheng sanghnih (2000) in a kan a ni.
Sd/-
(JACOB LALMUANPUIA)
General Secretary
Post a Comment
He post chungchanga i ngaihdan lo sawi ve rawh: