Ticker

10/recent/ticker-posts

Kum 9 chhung thawhlehni apianga faina hna thawk thin Republic Vengthlang Sanitation Volunteers

Aizawl | August 26, 2022: Aizawl veng pakhat Republic vengthlang Sanitation Volunteers chuan kum 9 chhung kar tin thawhlehni zing apiangin an veng chhung tifaiin an hnatlang áš­hin!


August ni 26, 2013‐a din, kar tin thawhlehni zing apianga an vengchhung ti fai thin Republic Vengthlang Sanitation Volunteers te chuan vawiin ni 26 august, 2020 hian kum 9 an tlin champha an lawm.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Hawla Indoor Stadium, Republic Vengthlang‐ah Pathian hnena lawmthu sawina hun hmangin faina hnatlang kawngzawh an nei zui nghal a, faina hnatlang kawngzawh an neihah hian faina kawnga inzitirna thuziak hrang hrang kengin an vengchhung kawngpui te an ti fai nghal a ni.


Sanitation Volunteers te hian an din kum atangin kumtin, chawlhkar tina thawhlehni apiangin vengchhung tihfai hnatlang an nei thin a, heng bakah hian a tul hun apiangin zirtawpni zingah a bika hnatlang an nei thin. Member 30 bawr vel awmin “thawk reng la fai reng rawh” tih thupuiah an nei a. An din hnu kum 2014 atangin an dinna veng Republic Vengthlang chu Local Council leh veng mipuite tanrualna nen Aizawl‐a veng fai lawman vawi 7 an la tawh a. Pakhatna vawi 4, 2‐na hi vawi 2 leh 3‐na hi vawi khat an ni tawh bawk a. Republic Vengthlang Local Council hnuaia Sanitation Committee hmalaknain Junior Volunteers dinin naupangte pawhin faina thawkin theihtawp an chhuah mek zel a ni.

August 26, 2013‐ah khan kum upa lam mi tlemte‐in Faina kawnga hma sawn zelna tur a nih beiseiin Sanitation Volunteer an din ta tawp a. An din dan chu hmuhphiah leh bawlhhlawh ruhna nen hmun ti fai turin an chhuak tawp a, chanchinbu‐ah an chhuah lem lo a, an thiltih lo hmu tu mi tlemte ten zawmin atirah chuan Volunteers 10 lek an ni a. Dan leh kalphung an zam duah lo a, "kartin Thawhlehni" apiangin vengchhung ti faiin hnatlan tur tih a ni tawp a, an hnatlan zawhah a karleha an hnatlanna hmun tur an sawiho thin. Volunteers 17‐in bul an tan a, convener an nei a, an zinga kum upa ber chu Chief an ti a, tunah chuan pun lam pan zelin Volunteers 30 chuang an tling chho ta a ni.


Hnathawka an chhuah khawm hi an committee hun a ni mai a. Miten an hnathawk an lo hmu a, ngawirengin an thiltih hmangin mite nunah thu an sawi a, an zinga tel duhin an inpek belh zel a, mahse convener‐te remruatnain an zinga tel tur erawh an duh uluk hle a, an zinga tel tur mi an lakluh te chu hmuhphiah, bawlhhlawh ruhna, bawlhhlawh bawm leh chemkawm an pe a, an lalut thin.

Hnatlang kal dan an ziak thlap thin a, a kal thei lo te an hrethiam hle thin. An hnatlanin refreshment an buatsaih ngai lo a, hnathawh kawr nen an hnatlan ni chuan vartian atangin hna an thawk a, an hrisel a, an hlim em em thin.  An nunah faina a bet tlat a, chutia ngawireng a an thiltih chuan midangte hnenah zirtirna a pe zel a, Republic vengthlang‐ah chuan khawlaia bawlhhlawh paih a zahthlak tawh a, naupangte chenin a ti baltu nilovin a vawngfaitu ni zel turin an rilru nasa takin a inthlak phah tawh a ni.


Ngawirengin, hnathawh hmangin mite thinlungah Faina thu an tuh a, "Kan khawtlang tana theih tawpa tha leh zung kan seng hi kan ram leh hnam tan a ni tih hre reng ila. Pathian rawng kan bawl ve theihna remchang, midangte tana malsawmna kan nih ve theihna kawng pawimawh tak a ni bawk a. Volunteer kan nihna hi a hlu hle a ni, i tang sauh sauh ang u" tih hi an infuihna a ni a, an thupui chu "thawk reng la, fai reng rawh", tih a ni.

- LZ  Boikhar




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)



Post i hmuh dan

Post a Comment

0 Comments