Tlawnglui Lengte kai bulah car chesual

 • Mi pahnih la chhuak tawh; mi pahnih chin hriat a la ni lo!

Aizawl | August 2, 2022: Zanin zan tir lam khan Sihhmui Lei bulah Car var - Hyundai Venue a chesual a, Mi pahnih hliamin, pahnih erawh an ruang hmuh a la ni lo niin thudawnna chuan a tarlang.





Thudawnnain a tarlan danin, chhiat tawkte hi an vaiin Chaltlang Lily venga cheng an ni a, an chesual hun hi dar 7 vel nia sawi niin, an chetsual chhan hriat a la ni lo.

1.Lalngaihawma s/o Vanlalrimtuia
2.Mano Lalrinhlua s/o Laltanpuia
3.Lalfakzuala 39yrs s/o C.Lalhmingthanga
4.Malsawmkima 10yrs s/o Lalfakzuala 

Lalngaihawma leh Mano Lalrinhlua hi rawn vak chhuak in PHC Sairang panpui an nih hnu ah Aizawl lam rawn panpui an ni.
Lalfakzuala leh Malsawmkima te pafa hi an chin hriat a la ni lo.
 
Vawiin tlai dar 7 velah khan Tlawnglui Lengte kai atanga a chhak lawk, Lengte ram lama Daifim Picnic Spot-a inti hlim haw lam, Venue car chu chesualin Tlawng luiah a tla thla a. Car-a chuang mi 2 hmuh tawh niin, damdawi in pan pui an ni.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

He Venue car-ah hian mi 4 an chuang niin hriat a ni a, an zinga pahnih hmuh tawh an ni a, mi pahni pafa te hi an chin hriat a la ni lo.

Sihhmui, Sairang leh Sairang Dinthar atangin tlawmngai an tlankhawm nghal a, helai kawng kal mitlawmngai ten an pui bawk a. Car hi hrui hmangin tui atanga pawhchhuah tum a ni a, tui atangin feet khat vel pawh lan a ni tawh. Car chhungah hian mihring an awm tawh lo tih hriatchian a ni.



Sairang Dinthar YMA thuchhuah:

ACCIDENT RUANG ZAWN DAN TUR CHUNGCHANGA MEMBER-TE HNENA HRIATTIRNA

Dt.2.8.2022 (6:30 pm) bawrvela Sihhmui lei bula motor accident a ruang la hmuh loh, Pu. Lalfakzuala Chenkual 39yrs. S/o C. Lalhmingthanga leh Malsawmkima 10yrs. S/o Lalfakzuala Chenkual Chaltlang Lily Veng te ruang chu Sairang ruama Branch Pathum (Sihhmui, Sairang Dinthar leh Sairang Branch) ten anmahni area ṭheuhah ngawrh leh zuala zawn hna hi kalpui nise tiin Branch pathum hruaitu leh VC pathumte, khawtlang hruaitu kalkhawmin a rel dan a ni.

Naktuk ni 3.8.2022 zing dar 6:00 aṭang hian a tlakna hmun hma leh a thlang deuh li hi dap leh tur a ni a, YMA member tui thiam takte kan branch aṭang pawhin a thei thei kal turin kan inngen a ni e.

Tunah hian keini branch lamin kan ruang channa hmun tur kan veng kaiah Cilpauline leh light vel fit a ngai dawna, YMA member a thei thei kan veng kai lam pan turin kan inngenin kan inhriattir a ni e.

            Sd/-
        Secretary
  Dinthar Branch YMA

No comments

He post chungchanga i ngaihdan lo sawi ve rawh:

Powered by Blogger.