Ticker

10/recent/ticker-posts

MZP in Adll. RCS rawih nawn pisa kai tur dang; Aug 4 ral hmaa thupek sut an phut!

 

Aizawl | August 2, 2022: MZP-in Adll. RCS pension rawihnawn duh loh lantir nan a pisa kai tur dang turin pungkhawm.

He hunah hian MZP general headquarters president Lalnunmawia Pautu chuan thu sawiin, "Zirtawpni pisa a kai leh ni turah, tun aia nasa in kan dodal zel dawn!" a ti.

Lalrinsanga, Additional Registrar Cooperative Societies (Rtd) rawih nawn hian ni thum chawly lain vawiin khan Pisa- a kai lo a ni.

Vawiin aŠĻ≠angin mi thum chhung, Auhust 4 thleng casual leave a lo la a. Hemi avang hian MZP chuan chawhma dar 11 vel khan an punkhawm an titawp rih a. Dar 12 khan MZP chuan emergency meeting an ko.

Meeting chuan August 4, 2022 ral hma ngeia pension rawih nawn a nihna thupek hi sut turin sawrkar a phut a, an phut anga thupek Sut a nih loh chuan;
• August 5, 2022 (Zirtawpni) hian Registrar Cooperative Societies pisa kai tur dan leh
• August 8, 2022 (Thawhtanni) hian Cooperation Department minister Pu C. Lalrinsanga pisa kai tur dan
• Zirlai, Thalai leh mipui tam thei ang ber nen kawng zawh
te an rel a ni.


MZP te hi Babutlang-a Registrar Cooperative Societies office kawt-ah an pungkhawm a. Additional Registrar Cooperative Societies pension tawh rawih nawn duh loh lantir nan leh pension rawih nawnna order sut phuta pungkhawm niin, nimin khan Vanapa Hall kawtah rawih nawn a nihna order copy hi an lo hal tawh a ni.


MZP hian sawrkarin pension a rawih nawnna thupek hi  sut an phut a ni.


Mizo Zirlai Pawl (MZP), General Headquarters chuan Cooperation Department hnuaia Pu Lalrinsanga, Additional Registrar of Cooperative Societies (RCS) pension tawh rawih nawn tha a tih loh zia lantir nan leh Pension rawih nawnna order sut phutin vawiin chawhma khan Registrar Cooperative Societies office kawtah a pisa kai tur an dang a ni.

Pu Lalrinsangsa,  Addl. RCS (Rtd) Pension rawih nawn hian ni thum chawlh a lak avangin pisa kai tur dan hi chawhma dar 11 khan tihtawp lailawk a ni. Hemi chungchanga hmalak chhunzawm zel dan tur ngaihtuah hian chhun dar 12 khan MZP General Headquarters, Aizawl Emergency meeting neih nghal a ni a. Meeting ah hian MZP hruaitute leh Aizawl khawpui chhung College hrang hrang SU an tel.

Meeting chuan zirlaite leh thalai hna zawng mek te tana theihtawp chhuaha hma lak zui zel a rel a. MZP in vawi tam tak pension ruai nawn lo tura a ngenna ngai pawimawh lo a hmalatu Cooperation minister Pu C. Lalrinsanga leh he department hnuaia rawih nawn mek Pu Lalrinsanga,  Addl. RCS (Rtd)  te chu MZP chuan a dem takzet a ni.




Update!

Hemi chungchanga Nimin lama news i chhiar duh takin:





Post i hmuh dan

Post a Comment

0 Comments