Ticker

10/recent/ticker-posts

Serchhip JAC-in Dist. Hospital building thar sak thuai an phut

Aizawl | August 31, 2022: Serchhip JAC chuan an Dist. Hospital buldg. thar sak thuai an phut tih chanchinbumite an hrilh.


Nimin Joint Action Committee on Serchhip District Hospital Site hruaitute chuan Serchhip Press Club-ah chanchinbumite kawmin Power Grid Corporation of India (Ltd) CSR Fund atanga Serchhip District Hospital sakna tur Cheng vaibelchhe 21 an hmuh, kumin May ni 27-a Chief Minister hova MoU ziah tawh chu sak thuai an phut tih an tarlang a; a hlawhtlin theih nan Health Minister-in hma a lak thuai an beisei thu  an sawi.

Press Conference hi Joint Action Committee on Serchhip District Hospital Site Chairman Pu Kapliana Pachuau-in a kaihruai a, Serchhip District mipuiin tangkai taka an hman mek Serchhip District Hospital Building thar, Power Grid Corporation of India (Ltd) CSR Fund Cheng Vbch 21 hmanga sak a ni tur chu an lawm hle tih sawiin, he Cheng Vbc 21 hian a hmun ngaia Hospital Building thar sakna tura Detailed Project Report (DPR) siam, dil chhuah leh pek a nih ang ngeia sak thuai an phut tlat a ni, a ti.

JAC te chuan Serchhip Dist. Hospital thar sakna atan hian NGO Co-Ordination Comtt. ten Bukpui ram an rawt a, Chief Minister Pu Zoramthanga pawhin kumin July ni 25 khan Serchhip Auditorium-ah Bukpui rama sak a nih tur thu a rawn puang a, Serchhip mipui an nghing dual a ni, an ti a.


Hemi hnu hian Joint Action Committee on Serchhip District Hospital Site hruaituten VC, YMA, MHIP leh MUP Branch hrang hrangah ngaihdan an la a, Chief Minister hi Aug. ni 16 khan a Office-ah thil awmdan hrilhin a hmun ngaia Hospital Building thar sak duh Serchhip mipuiah an tam zawk zia an hrilh a. Hemi tum hian CM pawhin Health Minister Dr.R.Lalthangliana chu thil awmzia lo hrilha Health Deptt. thuneitute Serchhipah tir chhova Hospital thiah chhunga lo luah lailawk tur lo enpui turin JAC hruaitute hi a lo ngen a. Hetiang a nih avang hian Chief Minister Pu Zoramthanga duhdan angin Health Minister Dr.R.Lalthangliana pawh hi hma la thuai tura an phut thu an sawi a ni.


- AIR News Aizawl
Post i hmuh dan

Post a Comment

0 Comments