Ticker

10/recent/ticker-posts

Lok Sabha MP-in NEC secretary leh advisor kawm

Aizawl | August 31, 2022: North Eastern Council, Shillong hmunpuiah vawiin khan MP (LS) Pu C Lalrosanga chuan NEC Secretary Pu Moses Challai, NEC Financial Advisor Pu Gaigongdin Panmei leh Advisor Planning Pu Calvin Harris Kharshing te a kawm a. Hmarchhak biala NEC kaltlanga hmasawnna hnathawhte leh NEC thuneihna leh sum tam zawka NEC thuamṭhat a ṭul thute an sawi ho.


DONER Ministry Consultative Committee member Pu C. Lalrosanga chuan hmarchhak bialah a rualkhai thei ang bera DONER Ministry leh NEC hmalakna kalpui a ṭul a tih thu leh NEC hmalaknate a ṭangkai thu sawiin Pu Rosanga chuan ṭangkai zawka NEC siam turin sawrkar laipui aṭanga ngaihtuahna thar nena ruahmanna siam a ṭul a ni a ti.                                                                   
Mizorama DONER Ministry leh NEC hmalak zel tumnate a lawmawm a tih thusawiin Lok Sabha member chuan hmarchhak state-te tana NEC danglam biknate kengkawh zel turin NEC hotute chu a ngen nghal a ni. 

Hemi hma hian Pu Rosanga chuan amah lo dawngsawngtu Pu Rodingi, Advisor chu NEC kalphungte a sawipui bawk a ni.


- DIPR
Post i hmuh dan

Post a Comment

0 Comments