Ticker

10/recent/ticker-posts

Road Transport & Highways hnuaia hnathawh ṭhat leh ṭhat loh enfiah turin Union minister Nitin Gadkari Mizoram lo kal thuai a tum!

Aizawl | August 17, 2022: Vawiin 17th August, 2022 ( Monday) hian Pu Delson Notlia, BJP National Secretary, Minority Morcha, Assam State Minority bialtu ni bawk chuan Pu Nitin Gadkari, Union Minister, Road Transport and Highways, Government of India chu Delhi a a chenna in ah hmu in, Siasi to Chakhei Road hnathawh chhe lutuk, restricted tender hmanga KR Construction, Kamrul Laskar hnathawh dan kal mek chungchang a sawipui.



Siasi to Chakhei road siamna tur hi Sorkar hmasa  Mara Autonomous District Council a Pu N. Zakhai Ex CEM kaihruai sawrkar chuan theitawp chhuahin, Council sum te sengin project an siam a, chu Project chu a hlawtlin hnuin Mizoram Chief Minister Pu Zoramthanga chuan MADC in hetiang project lian an thawk thei lovang tiin, restricted tender hmangin Kamrul Laskar (KR Construction) hnenah an pe ta a ni.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


He kawng siamna tur hian Central sawrkar chuan CIRF Scheme, Ministry of Road Transport hnuaia Rs 47,22,41,887 ruahman sakin, hna hi 2019 atanga thawh tan ani a, Siasi to Chakhei kawng siam hnathawh hi a chhe em em a, a nihdan tur dik takin hnathawh ani lova. Hetiang Mara ram tan a asset ropui lutuk heti tak mai chhia a, KR Construction leh athurualpui ten an siam hi pawi atiin, Pu Delson Notlia chuan Pu Nitin Gadkari, Union Minister hnena a thlen a ni.

Pu Delson-a chuan Union Minister hnenah hian helai hmun a hnathawh thlalak leh videos copy pawh thelut nghalin, arang lama Ministry of Road Transport and Highways atanga inquiry la ngei turin Minister a ngen ani.

He project tha taka a kal theina tura huaisen taka hma lo latute Pu Lalramenga, EE, Pu Rammawia,SDO leh Pu J. Khotha SDO te pressure avanga transfer an ni pawh pawi atih thu leh Pu J. Khotha SDO transfer ani phei chu amak in, tuna MNF Ministry a Minister ni mek Dr. K. Beichhua ngei pawhin transfer order hi sut turin Chief Minister hnena lehkha ziak in alo thlen tawh ani bawk a ni. Nimahsela tun thlenga J. Khotha, SDO transfer order sut ani lo pawh pawi atih thu Union  Minister hnen ah a thlenin MADC tana thahnem ngaitaka thawk tu SDO sawn anih loh nan Union Minister chu pui turin a ngen bawk a ni.

Pu Nitin Gadkari, Union Minister of Road Transport and Highways chuan hetianga ram leh hnam tana rotling, Central Sawrkar in duhsak taka a pek che u, hetiang mai mai a hma an la chu pawi atih thu leh Action lak vat atum thu Pu Delson Notlia hi hrilh in, Mizoram chhunga Road Transport and Highways hnuaia hnathawh that leh thatloh enfiah turin Mizoram ah lo kal thuai atum thu asawi bawk ani.

Vawiin vek khan South Block, New Delhi a Pu Delson Notlia, BJP National Minority Secretary chuan Union Defence Minister Pu Rajnath Singh hmuin, Defence Road Chapi thlenga hnathawh mek chu Chapi mipui te ngenna angin Kaladan Lui thlenga extend turin angen a, Minister chuan Meeting hmasa bera alo bawhzui nghal tur thu alo hrilh bawk a ni.

Post i hmuh dan

Post a Comment

0 Comments