Ticker

10/recent/ticker-posts

Ka farnu Milari chhangte (Mimii) thil tihah thiamthu sawi tur kan nei lo

- Ramthansiama (Siamtea) B/o Milari Chhangte_

  Ka farnu, Milari Chhangte (Mimii) chuan Dr. Zonuna kut a thlak lai video viral chungchangah thiamthu sawi tur kan nei lo a, thiamthu sawi pawh kan tum lo a, amah Dr. Zonuna leh a chhungte zawng zawng leh an chanchin lo hretu Mizo mipuite hnenah ngaihdam ka dil takmeuh meuh va, thupha ka chawi sak e.


  Ka farnu Mimii hi rilru lam (mental issues) problem nei ve ṭhin a ni a. Chutih lai chuan vanduaithlak takin, nizan (16.8.2022) khan a tlu sual palh (accident) a. Chutah chuan a chal (forehead) a tauh a. Inches khat velin a kák a. A lo kák thûk deuh bawk nen, nizan zanlai la la khan ka unau (cousin) Doctor te chuan an ṭhui sak a. Hmun thumah an chilh a ni.

| Milari a lâr; social media a luah hneh! |


  Nizan pawh kha a muhil ta lo niin ka hria. A rilru a chiai belh deuh bawk nen, ka Pain a riahpui hial a! Mimii hi, tleirawl nula chho mêk ni ve ta chuan a chal kha a ser zui ang tih hlauhna a nei lian em em a. Dr. Zonuna hi pan a duh thu a sawi a. Dr. Zonuna ṭul zia leh buaizia hi ka hria a, Appoinment nei loa kal ngawt chi a nih loh thute pawh kan hria a ni.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


  Mahse, hun remchang a awm theih beiseina a nei tlat a. Dr. Zonuna hi a pan ta a. Inentir tur (patient)-te'n an lo nghahna ah han nghâk ve bawk mah se, a ni, nizan lam mu ṭha lo leh rilru lama harsatna lo nei ru deuh bawk nen, mi dangte tih dan ni loin, Dr. Zonuna hi va biak lawk a tum a. Hetah hian an thu a inhmu lo a, hetiang hi a thleng ta a. Hei hi pawi ka tiin, ka farnu thiam loh leh puitlin tâwk lohna a ni tih kan hria a, thinlung takin hreawm kan ti hle a ni.

    He thil thlengah hian kei leh ka nu leh pa hmingin Dr. Zonuna leh Mizoram mipuite hnenah ngaihdam kan dîl tak meuh meuh va. Politics thil lama invaivung tumna leh kawhmawh bâwl tumna hrim hrim ni loin, mimal rilru hahna leh rilru lam harsatna (mental illness) vangah min pawm sak turin mi tin ka ngen che u a. Thiam thu sawi tur kan nei reng reng lo a, kan thiam loh liau liau a ni tih ka han sawi nawn a ni e. 
----------------------
Post i hmuh dan

Post a Comment

4 Comments

  1. Nia kan inkawm thinlai pawn a à zeuh zeuh thin a lawm😂

    ReplyDelete
  2. Kan zirtirtu pakhat chuan ti hian a sawi thin ‘A tisualtu nilo zawk hian ngaihdam in rawn dil thin a’ a ti thin

    ReplyDelete
  3. Thiam thu soi tum silo in sawi thiam nghal vek tho bok si😂👍🏻👍🏻

    ReplyDelete
    Replies
    1. 🤣🤣🤣🤣🤣🤣🤣🤣🤣

      Delete

He post chungchanga i ngaihdan lo sawi ve rawh: