MZP-in Registrar Cooperative Societies Office dan tum ṭhulh!

Aizawl | August 4, 2022: MZP chuan Naktuk August ni 5, 2022 (Zirtawpni) a Registrar Cooperative Societies Office dang tura ruahmanna awmsa chu zanin ṭang khan an ṭhulh.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



No. E-93/MZP-GHQ/2021-2023/45                                         Dated Aizawl, the 4th August,2022

MZP PISA PUI THUCHHUAK

Vawiin August ni 4, 2022 (Ningani) tlai dar 6:00 khan MZP in Co-operation Department hnuaia Additional Registrar of Cooperative Societies a rawih nawn chungchunga hmalakna kal zelah, a changtu minister in a chenna bangla-ah MZP hruaitute lêng tura min sawm angin, MZP hruaitute kan lêng a. Hemi chungchang hi uluk takin sawiho a ni a. Ngun taka sawiho a nih hnuah pension rawih nawn mek hi hnuh let a nih tur thu leh pisa a kai tawh loh tur thu Minister hian MZP hruaitute a lo hrilh a, hemi chungchanga file kal laite pawh en ho a ni. 

Hemi chungchang ngaihtuah hian, MZP chuan Pisapuiah meeting a nei nghal a, ngun taka kan ngaihtuah hnuin minister ngenna chu thu tlingah kan ngai a. Naktuk August ni 5, 2022 (Zirtawpni) a Registrar Cooperative Societies Office dang tura ruahmanna awmsa pawh ṭhulh nghal ni se kan ti a ni.

Zirlaite ngenna ngai pawimawh a pension rawih nawn sut a nih theih nana Chief Minister leh a changtu minister ten puitling taka hma an lâknaah lawmthu kan sawi a. Thil zawng zawng sawi ngai lo leh na taka sorkar nawr kher ngai lo a, sorkar hotuten thil awmdan hrethiam taka hma an la hi lawmawm kan ti hle bawk a ni. 

MZP chuan sorkar hnathawk pension rawih nawn rêng rêng hi mi bik leh thiam bikna nei emaw, sorkar hnathawkte dinhmunin a zir loh avangte a nih loh chuan, pension rawih nawn hi tunhma aṭangin a rem ti ngai lo a ni tih kan puang nawn leh a. Tunhma aṭanga vawiin thlenga MZP in hetianga hma kan lâkna chhan hi, Mizo zirlaite leh ṭhangthar lo awm zel turte tana kawng sah kuakna a ni tih kan sawi nawn leh bawk e. MZP chuan College SU leh Hnampual zirlai pawla kan thawhpui ṭhahnem ngai taka zirlaite hmakhaw ngaia tha thawhtute chungah lawmthu kan sawi bawk a ni.


Issued by : Mizo Zirlai Pawl (MZP) General Headquarters, Aizawl

No comments

He post chungchanga i ngaihdan lo sawi ve rawh:

Powered by Blogger.