Ticker

10/recent/ticker-posts

MZP-in pension ruai nawn lo turin sawrkar ngen nawn; NABARD sum hmanga sikul sak that leh thawmthat hna thawh tur vil zui tum!

• MZP-in pension ruai nawn lo turin sawrkar ngen nawn
• NABARD sum hmanga sikul sak that leh thawmthat hna thawh tur vil zui tum!
• MZP Assembly October thla chhunga neih tum!



Aizawl | August 12, 2022: MZP General Headquarters Executive Meeting vawi 612-na chu vawiin chawhma khan MZP Conference Hall-ah neih a ni a. MZP khawmpui lian Assembly 2022 chungchangte, NABARD XXVI hmanga sikul tihchangtlunna tur chungchang leh Pension rawihnawn chungchangte rel a ni. Meeting hi Pu Lalnunmawia Pautu President in a kaihruai.


Meeting chuan, NABARD XXVI (26) hnuaia Mizoram sawrkarin sikul thuamthatna leh sak thatna tur sum awmsa chu, zirlaite hmakhua ngaihtuah chuanga a thawktu tur thlang fel vat turin a duh a. Sikul sak that ngai leh siam that ngai ngawih ngawihte ngaipawimawh hmasa turin leh a nih dan tur dik taka sak a nih theih nan uluk taka vil turin Education Department hotute a ngen nghal bawk. NABARD hnuaia sikul sak that leh thuamthat hna lo chhuak tur hi tlang hrang hranga MZP te chuan uluk taka vil zui nise tia rel a ni. 



Meeting chuan, Mizoram sawrkar hnuaia hnathawk pension tawh service pawhsei leh rawihnawn dilna file kal mek tam tak a awm tih a hria a. MZP dinna ngai, thiamna bik nei leh mi bik an nih loh chuan an service pawhsei emaw, ruai nawn lo turin MZP chuan sawrkar a ngen nawn a. Hetiang thilah hian MZP chuan a ṭul angin hma a la chhunzawm zel dawn a ni. 

Meeting chuan, MZP inkhawmpui lian Assembly 2022 chu kumin October thla chhunga neih turin a rel bawk. 
Post i hmuh dan

Post a Comment

0 Comments