Ticker

10/recent/ticker-posts

BURMA | MZP-in Hualngorama zohnahthlak zirlaite tan zirlaibu leh Naupang bible hlan

Aizawl | August 11, 2022: Mizo Zirlai Pawl (MZP) General Headquarters Aizawl chuan nimin piah August 9 khan Farkawn leh Zokhawthar-ah Burma rama Hualngoram huam chhunga Zohnahthlak zirlai naupangte tan, zirlaibu leh naupang Bible thahnem tak a hlan.


Zirlaibu leh Naupang Bible inhlanna hun tawi hi Zokhawthar YMA Hall-ah neih niin, he hun hi Hualngoram Peoples Organisation (HPO) hnuaia din Education Working Committee Vice chairman Rothanglura'n a kaihruai.

He hunah hian MZP General Headquarters President Pu Lalnunmawia Pautu chuan thu sawiin, "Myanmar ram buaina avanga kan unau zirlai naupangten hun rei tak zirna chhunzawm thei loa an awm tih MZP in kan hriatin pawi kan ti hle a. Zirlai naupangten an zirlai an chhunzawm theih nan an zirlaibu tur kan ngaihtuah a. Heng zirlaibute hi thiamna tak tak nei a, hlawhtlinna atana hmang turin MZP chuan a duh a, chu chu a pe khawmtute rilru pawh a ni. Hei hi unau thlah khat kan nih zia tilangtu a ni a, heng hian thlah khat kan nihna leh international ramriin min daidan loh zia tilangtu a ni" a ti.

Lalnunmawia Pautu chuan, "Mizoram mipuiin ral tlante tan theih tawp chhuahin ṭanpuina an pe ṭhin a. Kohhran leh NGO hrang hrangin theihtawpa hma lain, khawngaihna leh hmangaihna an lantir a. Chutihlaiin, mi duham mi thenkhatin Mizoram-ah ruihhlo an lo tawlh lut ṭhin a, he thil hi MZP chuan pawi a ti takzet a. Heng thil ṭha lo titawp tur hian theihtawp kan chhuah tlan a ṭul a ni" a ti bawk.

Education Working Committee Chairman, Hualngoram Peoples Organisation (HPO) C Thangkima chuan, "Myanmar ram buaina avangin zirna sikul kalpui theih a ni lo reng a.  Chutih laiin, mipui sawrkar National Unity Government (NUG)-in mahni hnam nunphung mila zirna kalpui a remtih angin, Mizoram Syllabus zir ṭha kan ti a. MZP-ah kan mamawhna kan thlen angin an niin kan mamawh zirlaibu thehnem tak min ngaihtuahsak avangin kan lawm hle a ni" a ti. 

HPO General secretary C Vanlalzawma chuan, "Hualngoram chhungah mahni ṭawnga zirna kalpui a nih loh avangin hmasawn a har hle a, Duhlian ṭawng zirtir bu pawh buatsaih lo ni tawh thin mahse, zalen takin zir theih a ni ngai lo. Tunah kan rualawh em em, mahni ṭawng ngeia zirna kan kalpui thei tur hi a lawmawm ka ti hle a ni" a ti.


Myanmar rama Hualngoram huamchhungah hian khaw 56 awmin, buaina avangin khaw râm hi khaw hnih a awm a, township pathum - Falam, Teddim leh Tonzang township te a awm. Tunah hian Hualngoram Peoples Organisation, Education Working Committee hmalakna in khaw 35-ah zirna kalpui mek a ni. 

Zirlaibu hlan takte hi, pawl 1 aṭanga pawl 10 zirlaibu niin, subject khatah zirlaibu 100 zel a awm a. Mi ṭhahnem ngaite pek khawm a ni. A phurh velna senso hi Chin Baptist Church, USA in an tum a. Naupang Bible hi Mother of Chin Relief Committee (MCRC) in an pek a ni bawk.


Farkawn-ah hian Naupang Bible Bundle 20 pek a ni a. Zokhawtharah hian Zirlaibu bakah Naupang Bible pek a ni a. Heng zirlaibu leh naupang Bible te hi Myanmar ram chhung khaw hrang hrangah an sem darh leh dawn a ni. 

Heng Zirlaibu leh Bible te hi MZP leh MCRC aiawhin MZP General Headquarters President Pu Lalnunmawia Pautu in a hlan a, MZP President hi MZP General Headquarters leh MZP Headquarters Champhai hruaitute'n an ṭawiawm. 





__________

No. E-93/MZP-GHQ/2021-2023/47
Dated Aizawl, the 10th August, 2022

MZP PRESS RELEASE 

Nimin August 9, 2022 khan Mizo Zirlai Pawl (MZP) General Headquarters Aizawl chuan, Farkawn leh Zokhawthar-ah Myanmar rama kan unau zirlai naupangte tan, zirlaibu leh naupang Bible thahnem tak a hlan. 

Zirlaibu leh Naupang Bible inhlanna hun tawi hi Zokhawthar YMA Hall-ah neih niin, he hun hi Hualngoram Peoples Organisation (HPO) hnuaia din Education Working Committee Vice Chairman Pu Rothanglura'n a kaihruai.

He hunah hian MZP General Headquarters President Pu Lalnunmawia Pautu chuan thu sawiin, "Myanmar ram buaina avanga kan unau zirlai naupangten hun rei tak zirna chhunzawm thei loa an awm tih MZP in kan hriatin pawi kan ti hle a. Zirlai naupangten an zirlai an chhunzawm theih nan an zirlaibu tur kan ngaihtuah a. Heng zirlaibute hi thiamna tak tak nei a, hlawhtlinna atana hmang turin MZP chuan a duh a, chu chu a pe khawmtute rilru pawh a ni. Hei hi unau thlah khat kan nih zia tilangtu a ni a, heng hian thlah khat kan nihna leh international ramriin min daidan loh zia tilangtu a ni" a ti.

Pu Lalnunmawia Pautu chuan, "Mizoram mipuiin ral tlante tan theih tawp chhuahin ṭanpuina an pe ṭhin a. Kohhran leh NGO hrang hrangin theihtawpa hma lain, khawngaihna leh hmangaihna an lantir a. Chutihlaiin, mi duham mi thenkhatin Mizoram-ah ruihhlo an lo tawlh lut ṭhin a, he thil hi MZP chuan pawi a ti takzet a. Heng thil ṭha lo titawp tur hian theihtawp kan chhuah tlan a ṭul a ni" a ti bawk.

Education Working Committee Chairman, Hualngoram Peoples Organisation (HPO) Pu C Thangkima chuan, "Myanmar ram buaina avangin zirna sikul kalpui theih a ni lo reng a.  Chutih laiin, mipui sawrkar National Unity Government (NUG)-in mahni hnam nunphung mila zirna kalpui a remtih angin, Mizoram Syllabus zir ṭha kan ti a. MZP-ah kan mamawhna kan thlen angin an niin kan mamawh zirlaibu thehnem tak min ngaihtuahsak avangin kan lawm hle a ni" a ti. 

HPO General secretary C Vanlalzawma chuan, "Hualngoram chhungah mahni ṭawnga zirna kalpui a nih loh avangin hmasawn a har hle a, Duhlian ṭawng zirtir bu pawh buatsaih lo ni tawh thin mahse, zalen takin zir theih a ni ngai lo. Tunah kan rualawh em em, mahni ṭawng ngeia zirna kan kalpui thei tur hi a lawmawm ka ti hle a ni" a ti.

Myanmar rama Hualngoram huamchhungah hian khaw 56 awmin, buaina avangin khaw râm hi khaw hnih a awm a, township pathum - Falam, Teddim leh Tonzang township te a awm. Tunah hian Hualngoram Peoples Organisation, Education Working Committee hmalakna in khaw 35-ah zirna kalpui mek a ni. 

Zirlaibu hlan takte hi, pawl 1 aṭanga pawl 10 zirlaibu niin, subject khatah zirlaibu 100 zel a awm a. Mi ṭhahnem ngaite pek khawm a ni. A phurh velna senso hi Chin Baptist Church, USA in an tum a. Naupang Bible hi Mother of Chin Relief Committee (MCRC) in an pek a ni bawk. 

Farkawn-ah hian Naupang Bible Bundle 20 pek a ni a. Zokhawtharah hian Zirlaibu bakah Naupang Bible pek a ni a. Heng zirlaibu leh naupang Bible te hi Myanmar ram chhung khaw hrang hrangah an sem darh leh dawn a ni. 

Heng Zirlaibu leh Bible te hi MZP leh MCRC aiawhin MZP General Headquarters President Pu Lalnunmawia Pautu in a hlan a, MZP President hi MZP General Headquarters leh MZP Headquarters Champhai hruaitute'n an ṭawiawm. 



Sd/-
(H. LALTHUTHLUNGA ZATE)
Secretary i/c Publicity
Post i hmuh dan

Post a Comment

0 Comments