Ticker

10/recent/ticker-posts

INDEPENDENCE DAY 2022 | Kolasib-ah ropui takin I-Day lawm

Kolasib | August 15, 2022: Vawiin chawhma dar 8:00 khan Kolasib Stadium, Project Vengah India Zalenna ni vawi 76-na lawmna hun hman a ni a. Pu R.Lalzirliana, Minister, Power & Electricity Department chu khuallian niin Kolasib district chhunga sawrkar pisaa hotute, Tlawmngai pawl, khawtlang hruaitute leh mipui thahnem tak an tel a. Police, NCC, Scouts & Guides leh school hrang hrang atanga Contingent 17-ten hnam puanzar zahna chibai an buk bawk a ni.


Minister Pu R.Lalzirliana chuan Kolasib chu Mizoram luhkapui a nih angin ramri ven kawngahte leh inkalpawhna kawngahte ngaih pawimawh a tul zual bik thu sawiin Meidum leh Hortoki inkar kawng leh Rengtekawn leh Builum inkar kawng siam a nih thu a sawi a. Buarchep, Sabual mual leh Aitlang pawhna tur a Link road siam hnate kalpui a nih thu a sawi. Intodelh pawimawh zia leh intodelh tur a Sawrkar department hrang hrang kaltlanga hnathawh thenkhatte tarlangin PMKSY hnuai ah zau Hectare 100 chuang siam a nih thu leh Hectare 116 a zau thawmthat hna thawh a nih thu te, Oilpalm rah 890 Metric Ton thar chhuah a nih thu leh Sangha dil thar 150 siam tur a ruahman mek a nih thu a sawi.

Ruihtheih thil chu hnam hmasawnna tur a hmelma lian tak a nih thu Minister Pu R.Lalzirliana chuan sawiin ruihtheih thil dona kawngah khawtlang thawhhona a tul thu a sawi a. Khawvel huap a inelnaah Mizoram tihming thatu Jeremy Lalrinnunga leh Kolasib khaw mi Lalremsiami kan nei chu fakawm a tih thu a sawi.

Kolasib district-a kum 2021-22 chhunga Sawrkar hmalakna hrang hrang Khuallian chuan a tarlan bak ah hrilen vanglai a Kolasib district chu luhkapui a nih anga Mizoram hmel timawitu pawimawh tak an nih thu sawiin harsatna leh buaina karah zo nun ze mawi, tlawmngaihna leh inpumkhatna lan tir thintu an nih avangin lawmthu a sawi a. India zalenna champha vawi 75-na lawmna chuan hnam hmangaihna a tihthar a, ram ropui siam turin mahni phak tawk theuh a hmasawn tum a theihtawp chhuah zel turin kalkhawmte a chah.

Vawiin Kolasiba India zalenna ni vawi 76-na lawmnaah hian Kolasib District I-Day Badminton Tournament-a lawmman leh Parade Contingent titha lawmman sem a ni a. Unarmed Contingent ah NCC Girls, St. Johns’ HSS in pakhatna lain School Contingent-a pakhatna lawmman chu Rengtekawn High School hnenah hlan a ni a, Leading Firemen Pu Vanlalruata leh Firemen Pu Ramtiammawia hnenah chawimawina hlan a ni bawk.











- DIPR
Post i hmuh dan

Post a Comment

0 Comments