INDEPENDENCE DAY 2022 | Governor Thuchah

Independence Day champha vawi 75-na puala Dr Hari Babu Kambhampati, Honble Governor of Mizoram thuchah

Zoram mipui duhtak te,

CHIBAI

Kan ram Independence Day champha vawi 75-naah hian duhsakna chibai ka buk hmasa che u. He hun pawimawh bik a lo thlen hian kan ram leh hnam din chhuahna atana zalenna sualtu te inpekna thuk tak te kha kan hre thar leh a ni. Pawnlammi, min awp bettute laka zalenna hlu tak min sual chhuah sak avangin an chungah kan lawm em em a. Tunah chuan India ram chu khawvela mipuite thuneihna leh an aiawh roreltu atana an thlanna ram lian ber a lo ni tawh a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Tunah chuan Mizoram Governor nihna ka chelh atanga kum khatna a lo vei tar eng mai a, ka lawm hle a ni. He hun reilote chhung hian Mizoram hmun hrang hrangte fangin khua leh tui te nena inkawmna hun tha tak te ka nei thin a. Hmasawnna hnathawh tam tak te leh hmasawnnate ka hmuh rualin kan tan lak na tur kawng tam takah ka hmu bawk a. Mizoramah hian theihna nasa tak awm mahse heng kan theihna te hi a hlawk tur angin kan la khawrh chhuak lovin ka hria a ni.

Thil pawimawh tak pahnih sawi ka duh a. Pakhatnaah chuan Kawlphetha siamchhuah hi kan hmalakna pawimawh ber zingah kan dah a ngai a. Keini state lian vak lo, kawphetha siamchhuahna tur tuiluang chakna chhawr tur ngah si hi chu kan intodelh theih a ni.

A pahnihnaah chuan Central Welfare Scheme tha tak te hi Mizoram mipui ten kan hre lo hi ka vei em em a ni. Beneficiary tam takin heng tanpuina sum te hi an chan mek a. Hemi kawngah hian kan harh a ngai a, he scheme chungchangah hian kan mithiamte tan in lak a ngai a, beneficiary te hnenah heng scheme hrang hranga hamthatna awm thei te hi nasa taka in sawidarh a ngai a ni.

India ram zalenna champha vawi 75-na lawmna ( Azadi ka Amrit Mahotsav) kan nei mek a. Hemi puala Prime Minister Shri Narendra Modi in ram intodelh a India ram siam tura khua leh tui te hnenah chona leh sawmna a chhawp chhuah hi a ropui ka ti a. India ram intodelh na tur chuan kan awmna a piangah leh kan theih na zawnah theuh tan kan lak a ngai a. Mizoram pawhin India ram a lo ropui na atan leh a intodelhna tur atan hian thil ropui tak a ti thei a ni. He mi kaihhnawihah hian kan thalaite an pawimawh zual a. Thalai vengva zual leh mahni kutkea dinchhuah tum  te tan Pradhan Mantri Mudra Yojana, Standup India leh  Startup India hnuaiah te scheme tha tak tak a awm a ni tih ka sawi duh bawk a ni.

Thildang pawimawh tak chu National Education Policy 2020 huanga hmalakna hi a ni a. He zirna kalphung thar hian India ram chu khawvel thluakbur ah siam a duh a ni. Hemi huangah hian kan state hlawhtlinna te hi ka chhuang hle a.  Mizoram University leh Pachhunga University College te NIRF rankings tarlan angin India rama Zirna tha filawr tlemte zingah an lang thei hi a ropui ka ti tak zet a ni.

A tawp berah chuan he kan zalenna ni kan lawmnaah hian kan rilruah kan ram zalenna sualtute in kan ram tana thiltha nia an hriat te leh an duhthusam te kha vawng nung thar zel ila. ‘Chi hrang hrang kan inpumkhatna hi kan chakna’ tih hi kan hre reng dawn nia. India ram hmasawnna atan khua leh tui te theih tawp chhuah zel turin kan in chahnawn leh bawk a ni.

Zoram mipuite, Independence Day hlim taka hmang theuh turin duhsakna ka hlan a che u.          

KA LAWM E. 

JAI HIND.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]