Hmar film 'Luoithli - The Hidden Tears' August 27-ah

Aizawl | Aug 4, 2022: Mizo film star lar Rosangpuii Ralte channna, Hmar film ngaihven hlawh 'Luoithli - The Hidden Tears' chu August 27 zan hian tihchhuah a ni dawn ta!

Hmar film 'Luoithli - The Hidden Tears' hi August 27 zan dar 8 aṭang hian Lersia Play-ah a duh apiang tan en theih a ni dawn ta.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

He film 'Luoithli - The Hidden Tears' Hmar ṭawng bakah Lusei ṭawngin siam a ni a, Lusei version hi, 'Luaithli - The Hidden Tears' tih a ni.

He film-ah hian Mizo film star lar leh hriat hlawh Rosangpuii Ralte a inlan a, ani bakah Hmar ṭawng hmang te zingah chuan entertainment khawvela hriat hlawh em em mai, Jamie Thiek, Clandy L Intoate, Janet V Changsan te an inlan a ni.

'Luoithli - The Hidden Tears' hi Excavation Studios, Pyramid Production House leh Chat-Lupi te film siam a ni a. He film hi Hmar leh Lusei ṭawngin en theih tura dah a ni.

'Luoithli - The Hidden Tears' thawnthu hi Chat-Lupi te ziah niin, Chat-Lupi hi mimal hming ni lovin ṭhianho hming a ni.

Director hi Duduk Zate niin, Duduk Zate hian Camera bakah VFX & Compositing khawihin, Director of Photography a ni nghal bawk a, a ni bakah hian Mark Bapui hian camera leh editing a khawih bawk a ni. OST music composer hi Hmangaiha nijn, he film atana zaithiam an aw thawhtute hi Jeff Joute, B Lalsanglien Inbuon, Ohim Lungtau leh Fifteenleaves te an ni.

Pyramid Production House in an produce 'Luoithli - The Hidden Tears' hi cheng nuai 6 vel budget hmanga siam nia hriat a ni.

'Luoithli - The Hidden Tears' hi Haflong leh a chhehvelah chan a ni a, Nikum December thla khan an chang ṭan a, kumin March thla khan an chhunzawm leh a, Assam a bikin Haflong leh a chhehvel leimin vangin hun rei tak an chawl nghe nghe a ni. An chan chhung hian Rosangpuii Ralte pawh Haflong khawpui-ah a cham ve ren rawn a. Rosangpuii Ralte hian Hmar film a chan vawikhatna a ni a, Hmar version bikah hian a aw hi dubbed a ni.

'Luoithli - The Hidden Tears' hi August 22 zan hian Haflong khawpui-ah 'premiere/red carpet' hun an buatsaih dawn a ni.