Aizawl | Aug 8, 2022: Commonwealth Games 2022-a India ram aiawh a rit inchawisiak a gold medal latu Jeremy Lalrinnunga, chuan Aizawl a rawn lut dawn.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Lengpui țumhmunah amah lawmna inkhawm sawrkarin a buatsaih zawhah Aizawl khawpui fan kual pui a ni dawn a. Mizoram ti hmingthangtu Jeremy Lalrinnunga hi lo lawm a, lo dawngsawng turin Organising Committee chuan mipuite a sawm a ni. Jeremy Lalrinnunga hmuah dan tur rel hian Inrinni khan Sports Department pisa-ah Sports Minister Robert Romawia Royte kaihhruaina hnuaiah Organising Committee chu an țhukhawm a.
Lengpuia Airport a Jeremy Lalrinnunga lawmna inkhawm hi chawhnu dar 2:25 atangin neih a ni dawn a. Lawmna inkhawm zawh chiah hian dar 2:40 – 2:50 inkarah chanchinbumite’n an kawm ang. Organising Committee chuan he hun bik hi buaipui turin Information & Public Relations Department leh Mizoram Journalists’ Association(MJA), General Headquarters te a sawm a ni.
Chawhnu dar 3:00 atangin Lengpui țumhmun ațanga Aizawl rawn pan pui a ni dawn a. Aizawl Khawpui chhung fan kual pui a ni dawn a - Hunthar – Bawngkawn – Ramhlun – Zarkawt – Treasury Square – Sikulpuikawn – Khatla – Temple Square te kalin Ainawn Veng-ah an tawp ang. Organising Committee chuan he mi chhunga khawpuia lirtheia veivak te hriatthiamna a ngen nghal bawk a ni. Jeremy Lalrinnunga pual hian a chenna Ainawn Veng chuan a lawmna hun a lo siam dawn bawk a ni.
Post a Comment
He post chungchanga i ngaihdan lo sawi ve rawh: