Ticker

10/recent/ticker-posts

ANGGU'S Group kum 10 tlin an lawm!

August 8, 2022 : Mizoram a Entertainment Industry lian ber ANGGU'S Group chuan, Inrinni Zan Dar 8pm khan, kum 10 tlin an lawm a, Mizoram Youth Commission Chairman Dr. Vanlaltanpuia chuan Khuallian niin hun a hmanpui a, Green Mizoram Network President leh Saitual District Bawrhsap Pu VL Hruaizela Khiangte chuan Khualzahawm niin hun a hmanpui bawk.  

MYC Chairman chuan, Mizo Thalaite chu hlawhtlinna kawng zawh turin taihmak leh chhel a tul thu a sawi a, "kan state thenawm Land of Festival an tih hial Nagaland pawh UPSC Exam ah kan tluk theilo leh kan pha theilo te, inziak tling kan tlem thei lutuk chu a tha nat thlak" a tih thu a sawi. Khuallian chuan, Mizo thalaite chu hun vawn dik thlenga in zir ngaia a hriat thu a sawi a,  ANGGU'S Group kum 10 an tling chu thinlung taka a lawmpui thu a sawi bawk a ni. 

Miss India Mizoram 2021 Muansangi Varte, Miss India Mizoram 2022 Hlui Sailo, Miss PUC Suzane Jaishi, Miss Varsity 2021 Mji Ralte, Miss Varsity 2022 Papuii, Mister Varsity 2021 Ashish Joshi, Mister Varsity 2022 Isaac Lalremruata, Mister Faith Mizoram Awmtea Chenkual, Rubaru Mr India Finalist 2022 Fabian Lalrinpuia te chu Special Guest an ni a; Zaithiam Feli Fanai, Zorinzuali Khiangte, Rachel Lalnunkimi, Sangkimi Khiangte, Meriam Hnamte leh Ngurthansanga Kawlni te an zai bawk.

ANGGU’S Group hi Anggu Ralte kum 16 chauh a nih laiin May ni 11, 2012 khan Hotel Ritz Conference Hall, Aizawl ah ANGGU’S Management ti a Launched a ni a. Audition te neiin a tlingte puanga a taka a Function tan chu June ni 30, 2012 ah khan a ni. Mizoram tan Show leh Event hrang hrang buatsaih thin in, Kum 2016 atangin ANGGU’S Group Excellence Award buatsaih tan in, kum 2019 khan a hmasa ber atan 1st MEA – Mizoram Entertainment Award a buatsaih ta bawk. Hmasawn chho zelin Mizo Thalaite an tuina leh theihna zawn ah lâm a ni emaw zai pawh nise,  Mizoram chhung leh pawn ah he Company hian a theih ang angin a Promote a, kum 2018 atang khan Mega Entertainment ne'n in coordinate in Sunsilk Mega Miss North East leh Garnier Men Mega Mister North East ah Mizo Thalaite a tir tan a, kum 2019 ah North East Diva (Miss Diva – Miss Universe India a tel tur thlanna) ah leh kum 2021 khan Talenticaa India, Mumbai ne’n inrem siamna neiin Modelling bakah Miss India Global leh Miss International India a tel turte tirh theihna alo nei ta bawk. ANGGU’S Management a side hrang hrang awm thinte chu kum 2016 khan Unit hrang hrangah then hrang in, ANGGU’S Group hnuai ah hian heng unit ANGGU’S Management, ANGGU’S Entertainment leh ANGGU’S Media Network (AMN) te tun dinhmun ah an awm mek a, Thalai za chuangin tun ah hian ANGGU’S Group ah hian hun an hmang mek a ni.

















Post i hmuh dan

Post a Comment

0 Comments