AIFF executive committee member-ah Tetea Hmar tel chhunzawm dawn

Aizawl | August 28, 2022: Mizo Journalst leh Mizoram Football Association (MFA) Hon. Secretary Lalnghinglova Hmar (Tetea Hmar) chu All India Football Federation (AIFF) Executive Committee Member zingah a tel chhunzawm leh dawn.


Football thuneitu sang FIFA-in India rama football thuneitu sang AIFF a hrem a, hremna hi tun hnai khan a hlip.

August 27, Inrinni chawhnu dar 1:00 PM khan Executive Committee Member chuh theih hun hi a tawp a, Mizoram Football Association Honorary Secretary Tetea Hmar telna mi 13 chu chuhtu awm loin an tling.

Sportstar tarlan dan chuan, president, vice president leh treasurer-te chu inchuh tur an awm a, hei vang hian heng post pathumte hi inthlan a ngai dawn.

President atan hian India captain hlui Bhaichung Bhutia leh a teammate ni thin Kalyan Chaubey te an inkhing dawn a ni.




Post a Comment

He post chungchanga i ngaihdan lo sawi ve rawh:

Previous Post Next Post