"Zofate hi thisena unau chhinlung chhuak kan ni a, intihrang thei kan awm lo!" - MZP President

Aizawl | July 4, 2022: Chin Baptist Church (CBC) USA inkhawmpui lian vawi 7na, Dallas Khawpui Texas, USA-a June 30 aṭanga July 3 chhunga neih zawh takah sawm a nih angin Mizo Zirlai Pawl (MZP) General Headquarters president Lalnunmawia Pautu chu telin thu a sawi a, "Zofate hi thisena unau chhinlung chhuak kan ni a, intihrang thei kan awm lo." a ti.

Pu Lalnunmawia Pautu chuan, Myanmar ram buaina avanga Mizoram a lo tlan kan unaute Mizo mipuiten an buaipui dan leh an tuamhlawm dan a sawi a. Mizo mipui ten unau kan nihna anga duat taka an enkawl thu a sawi bawk. 

MZP President chuan MZP leh Chin Baptist Church (CBC) USA, Women Department-te tangkawpin raltlan an ṭanpui dan sawichhuakin, thawhhona ṭha tak an neih avangin lâwmthu a sawi. "Tunah hian Zofate chenna Chin Hills a buai mek a, theihtawp in pasalṭhate'n ram tan ke an pen a. In ram/kan ram buai mek hi theihtawp a kan ṭanpui an ngai a ni. Ram ropui ber USA-ah cheng mah ula, kan ram a dam loh chuan in tuar tho ang. Tun hun atan hian a ni lawm ni, ram ropui ber USA-ah hausa leh nuamsa taka in awm" tiin inkhawmpui palaite a fuih.

Pu Mawitea chuan, "Pathian min pek kan ram Chin Hills tan a taka in lo pen chhuak theilo a nih pawhin, MZP chuan engtiklai pawhin kan pui thei reng che u a. Zofate hi thisena unau chhinlung chhuak kan ni a, intihrang thei kan awm lo. Kan inpumkhat sauh sauh loh chuan ding chhuak tur kan awm lo ang. Heng harsatna leh buaina te hian min ti pumkhat rawhse" a ti bawk. 

Chin Baptist Church (CBC) USA chuan, Myanmar buaina avanga harsatna tawkte tanpui nan, a ṭul anga hman turin MZP kutah US Dollar $ 1,000/- an lo hlan bawk.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)