'Zari Jail Diary'

Zoramin Zalenna a sual laia Vai sipai ten an man, ram leh hnam tana hrehawm tam tak lo tuar tawh Pi B.Vanlalzari Lehkhabu ziah, 'Zari Jail Diary' tih tlangzarh inkhawmah ka tel ve thei a, lawmawm ka ti hle. Kum 40 aia tam mah kal ta, Shillong-a Mizo zirlai hruaitu ka nih ve laia Tezpur Jail ațanga Zarbawihi lachhuak tura kan lo beih ve dante rilruah alo lang thar leh a, a lunglenthlak hle mai.


Kum 1975 Kum bul lama Mizoram Sorkar hnathawk IGP GS Arya, IPS leh a thawhpui mi pahnihte tualthih naah khatih laia IGP Office-a LDC cum Typist hnathawk Zarbawihi khan hekna tawkin man a ni a, Tezpur Jail-ah dam chhung tang tura tih a ni a.

Shillong zirlai pawl MSUS President ka nih laiin Tezpur(Assam)-a Mizo awm, Pu Kailiana Pachuauin Apex Court-ah Zarbawihi Conviction Order Appeal theih anih thu min rawn hrilh a,chu chu kum 1980 Nipui lai kha a ni.Kan thuhriat chu bawhzui nghalin MSUS hruaitute Tv Lalthangliana Sailo Adviser, Tv Hrangthankima Adviser leh Tv H.Lalzarliana Treasurer te nen Tezpur kan pan nghal a.

Tezpur Jail-a Zarbawihi kan va hmuh hian, Kum 5 chhung lai Mizo biak tur a neih mumal tawh loh avangin Țawng pawh a pai deuh nghe nghe. Chung han hmuh chuan rilru a khawihin  Zirlai naupang tak la ni mahila a case chu Supreme Court-ah Appeal a, Tezpur Jail ațanga lak chhuah chu kan tum ruh ta sauh va.


Supreme Court thleng tur chuan Tha leh zung, sum leh pai a ngai tam a. Ukil rawih man a to em em, Chung zawng zawng chu kan mawhah lain, Mizoram-a MZP Hqrs. hruaitute pawh phungbawmah sawmin a theih dan danin kan bei tlang ta țauh țauh a. Shillong ațanga Delhi tlang thlen thlak mai ni lovin, heng hun lai hi chuan inbiak zung zung a la harsa a. Shillong a sorkar hnathawk a lian a tein, an telephone hmang turin an office leh an in kan lut chhuak zut mai a. Anniin phal takin minlo dawng sawng țhin. Pathian min țanpuinate, Mizoram mipui leh Zirlai, tlang hrang hranga Mizo tam tak, an hming sawi sen loh, nu leh pa te țanpuina leh țanrualna rah chu lo langin Supreme Court thupekin Zarbawihi pawh Tezpur Jail ațanga lak chhuah alo ni ta a ni.



Heng tiang Lehkhabu rotling, ṭhangthar lo la awm zel turte chhiar ve theih tura Zarbawihin a sual chhuak thei hi fakawm ka tiin a inpekna ka ngai hlu tak zet a ni.


July 2, 2022 | FB Status




No comments

He post chungchanga i ngaihdan lo sawi ve rawh:

Powered by Blogger.