Ticker

10/recent/ticker-posts

Ṭhalaite nghahhlelh Mizo Sitcom 'Keimahni' tlangzarh ta!

Aizawl | July 4, 2022: Mizo Sitcom hmasa ber(?) KEIMAHNI chu June 30 zan dar 8 atang khan Runmawi App-ah lei theihin a awm ta!


He comedy serial-ah hian episode 10 a awm a, tun tumah hian a rualin 5 dah a ni ang a, pakhat hi ₹60 man a ni ang.  Tin, vawikhatah 5 episodes i lei nghal duh a nih chuan ₹250 in a lei theih dawn bawk a ni.


A Changtute:
1. Lily Darnei- Miss India Mizoram 2018. Pageant leh modelling lamah chuan a theihna kan hria a, lemchan lamah eng ang chiah nge a nih kan hre thuai dawn e. 

2. Maruata Rawite- Zonet Series 0389-ah khan supporting casts zingah telin a role a hnehsawh hle a, CKTP film HNEHTU-ah pawh khan a inlan tawh bawk. Tin, Chanmari Br. KTP -a Spl. Item hit zet, inthehno hah hah paha intisek pa kha a ni bawk. 

3. Hriatpuia Kion- He Maubawk tlangval hi PUC Music Video hit tak, "Zoram Rohlu PUC" atang khan mi hriat a hlawh chho tan a, music vid dang 2-ah a inlan tawh bawk. Tin, lehkhabu 2 ngawt a ziak tawh bawk a ni. 

4. Faka Hnamte- CKTP&MSACS buatsaih Fil competition 2022, Best Actor lawmman dawngtu Chhinga Veng tlangval Faka Hnamte hi thingtlang tlangval, palian tak, tlaw zet lemah a rawn chang dawn, a inhmeh lo thei lo. 

5. PCL Muansangpuii- Champhai nula zei, Nurse hna thawk mek, MSP-i hi CKTP&MSACS buatsaih film competition 2022-ah khan a channa Champhai Vengthlang Br. KTP chuan lawmman pakhatna an la a, chuvang chuan lemchan lamah a mikhual lo tih a chiang. 


He sitcom hi Jeronimo production niin ACTIVE SOUND-in a sponsor a, Director of Photography hi Khalthang Arts, Champhai a ni.





[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments