Mizoram Board of School Education (MBSE) in High School Leaving Certificate (HSLC) 2022 result a tihchhuaha Topper pahnihte zinga pakhat Dinsawmkimi i lo belchiang ang.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Sawmi tia koh thin Dinsawmkimi hi Lalremmawii leh Lalhmachhuana te fanu rangkachak a ni a, Hunthar veng, Aizawl-a cheng leh khawsa an ni a, Presbyterian Church of India kohhrana lawi an ni.
Sawmi hi 22nd September, 2006 a piang niin, fanu mal a ni
Sawmi'n EXPLORE MIZORAM zawhna a chhanna te i lo chhiar ang.
📌 Zirna lam:
• HSLC i pass na sikul: St. Joseph Higher Secondary School
📌 I lehkha zir dan?
Zingah darkar khat ka zir aa, chhunah class kan la a, zanah darkar nga ka zir bawk a,
By heart leh Understanding -in ka kal kawp.
📌 harsatna I hmachhawn dan?
Harsatna nasa lutuk leh hrehawm em em hi Pathian zarah ka la tawk lo va...Mah se buaina ka tawh chang chuan ka tawngtai a, Pathian hnenah ka thlen thin a... A eng zawnga thil thlir ka tum thin aa, Pathian thlamuanna ka dawng thin niin ka hria.
📌 I percentage / letter hmuhna:
-96.8 ℅ , Letter in all subjects
📌 HSLC 2022 Topper nih hi i inring reng em?
- Nih tum ngei chuan kan bei a, amaherawhchu; kan beisei ngam chiah lo va.
📌 HSLC Topper ni tura i beih dan?
- Topper ni thei tur hian kum tir atangin inthlahdah miah lovin theihtawp chhuahin, rim takin, tumruhna nen ka zir thin.
📌 HSLC Topper ni tura i beihnaah zirtirtu lamin anawamin i/pui ṭha chein i hria em?
- HSLC Topper ni tur hianin kan Principal leh zirtirtuten min tawiawm tha a, theihtawp chhuahin min tanpui a, an chungah pawh ka lawm hle a ni.
📌 I zirna atana i chhungte pawimawhna:
- Ka chhungte hian min tawngtaipui nasa a, min fuih nasa bawk a, ka zirna atana ka mamawhte hi an phak ang tawk tawkin min ngaihtuahsaka, an tello chuan tun dinhmun hi ka thleng thei kher lovang; chuvangin an chungah pawh ka lawm takzet a ni.
📌 I zirna atana i ṭhiante pawimawhna:
- Rual elna thinlung min pe a, anni avang hian thahnemngaihna ka neih zual phah niin ka hria.
📌 I duhzawng leh ngainat zawngte:
• Rawng - A var (White)
• Chawhmeh - Alu (Potato)
• Incheina - T-shirt leh jeans
• Rimawi – Pop songs
• Mizo Ziaktu zingah - Mizo lehkhabu ziak hi ka chhiar vak ngai lo a, kan Zirlai vela mi hi a la ni rih deuh mai a, chumi atanga sawi dawn chuan, Siamkima Khawlhring hi a thuziak a ṭhat bakah a ngaihnawm a, a thiam ka ti..
• Hla - Trust In You (Ka ring zel ang che)
• Hla phuahtu - Lauren Daigle
• Teacher - Sir Peka( St. Joseph H. S. S Vice Principal)
📌 Mize ngainat zawng:
- Pathian tih mi, mi chapo lo leh mi taima.
📌 Mize ngai nat loh zawng:
- Mi chapo leh aia upate zah nachang hrelo.
📌 Hobby - zai leh podcasts ngaihthlak
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Zawhna dang:
1. A tel lova i awm theih loh: Bible
2. I nun kaihruaitu: Pathian
3. Hringnuna i hlauh ber: Ka chhungte tellova awm
4. I tih ngai miah loh tur: Zuk leh hmuam
5. Mizo Tualzal nuna ṭha i tih:
- Tlawmngaihna leh mi dangte nena inṭanpui tlâng dial dial ṭhin kan nihna te hi Mizo nih tinuam em emtu a ni.
6. Quote i duh ber: The secret of your success is found in your daily routine
7. Mizote tan 'Fa neih tlem' inzirtir hi a ṭulin i hria em?
- India ram thlîr chuan tûlin ka hria a, ram intodelh ni tura India insiamthatnaa kan tel ve theihna a ni dawn. Mahse, kan ram leh kan hnam bil chauh ka thlîr erawh chuan fa neih tlêm ai chuan neih tam ka thlâwp zâwk. (Kan enkawl zawh dawn phawt chuan.)
8. Zirna, Khawtlang leh Kohhran hi?
Zirlai kan nihlai chuan Kohhran lamah hian a zawng zawnga inhman chu a har a; chutih rual chuan, chawlhnia inkhawm tih ang chi leh chawlhni zan bika inkhawm hi chuan zirna a khawih pawi phalo hrim hrim a, tih ngei ngei tur ni zawkin ka hria.
9. Social Media leh Nangmah:
- Social media hi chu a chhia leh a tha zawngin a hman theih ve ve a,social media platform-ah chuan youtube,Instagram leh whatsApp hi ka khawih a. Entertainment nana ka hman rualin lecture ngaihthlak nante pawh ka hmang thin a, a tangkai hlein ka hria.
10. Mizoram ṭhalai tam tak tlakchham:
- Mizorama thalaite hian kan tlakchham ber nia ka hriat chu taimakna hi a niin ka hria.
 |
| A pi leh pu nen MZP in HSLC Top 10 a Mizo zirlai tlingte a chawimawinaah |
11. Mizo ṭhalaite hian ngaihsan tur dik an ngaisangin i hria em?
- A nawlpui ang chuan kan la ngaisang tawk lo.A lang thei, kan hmuh theih china nuamsa leh hausa anga lang te, nalh ringawt te, hmelṭha ringawt te kan ngaisangin kan entawn a. Thawhrimna entawn aiin a rah chhuah chauh kan hmu lian a, chu chuan thawk mang si lova neih châknaah a tam zawk chu min hruai a. Mahni neih ang tawk tê leh kan phak tawk aia sangin nun kan châk a. Chu chuan rilru hahna (depression) te a siam ta ṭhin a ni. Chuvangin ngaihsan tur diktak kan hriat hi a pawimawh hlein ka hre bawk.
12. Ngaihsan tur dik nia i hriat:
•Thlarau lam nunah chuan: Pathian ṭihtute leh an nun hi ngaihsân tur dik tak a ni.
• Khawvel thilah chuan: Mahni hmazâwna hlawhtlinna chang tura theihtâwp chhuah thinte leh beidawng ngailo mite hi ngaihsan tur dik tak an ni.
13. Hlawhtlinna tura pawimawh:
- Beidawnna-in a hneh zawh loh nun neih
14. hloh i hlauh ber:
- Pathian ṭihna nun ka neih mêk hi
15. Hnam dang nupui pasal neih hi:
- An inhmangaih chuan ka sawisel lem lo. An nupui pasalte nena Kristian chhungkua an din theih hi a pawimawh berin ka hria.
16. Nupui pasal inneih hmaa mipat hmeichhiatna hman hi?
- Kan rin Bible-in a rem tih loh a nih avang hian hei hi chu thil tha lo a ni e.
I thalaipuite tan fuihna-
- Taimakna, tih tak takna, rinawmna nena nun hman kan mamawh.
Hlawhtling tak tak tura ke pen duhna te, tumruhna te, mite âwn lam ringawt buaipui ve lova kan tumna lama tih takzet chhuaha beih hi kan hlawhtlinna tur atan a pawimawh a ni.
EXPLOREMIZORAM.COM i hmuh dan:
- EXPLOREMIZORAM.COM hmalakna te hi a ṭha ka ti a, mi tam tak tan chona in chhawp chhuahsakin ka hria a, in hmalakna chhunzawm zel u la, in kal zelna turah duhsakna ka hlan bawk che u.
Photographers - Biaka Ralte & ZK Photography
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: