Tlawng lui fintu luite tifaiin hnatlang

Aizawl | July 3, 2022: Central YMA huaihawtin nimin khan Aizawl khawpui chhunga Branch YMA te chuan Mizoram lui pawimawh, Aizaww tui tlan ber Tlawng lui lrh a fintu luite tifaiin an hnatlang.

Hnatlangah hian Aizawl khawpui Br. YMA 106 atangin Br. 100 vêl thawkchhuakin, Branch khat aṭangin Mi 10 theuh tal tel tura beisei an ni bawk a, Br. YMA Member 1000 chuang leh PHE thawktu mi 258 chuang zet an an hnatlang a ni.

Chhiat tawhna (mitthi neih) avanga hnatlang thei ta lo Br. hi 6  chhinchhiah a ni.

Mizoram lui dung chhiat chakzia ngaihtuah hian PHED leh CYMA Coordination Committee chuan Tlawng lui leh a fintu luite thenfai hnatlang a lo buatsaih ta a ni. Nimin vek khan Lunglei, Serchhip, Mamit, Kolasib Sub-Headquarters te pawh an remchan dan anga hnatlang nei tura beisei an ni.

Aizawl City Branch YMA leh PHED a thawktute hian Tlawng lui fintu luite thenfai hnatlang neih turah hian hnatlanna hmun tur thlan bik hmun sawm (10)ah insemdarh tur a ni dawn a, chung hmun thlan te chu hengte hi an ni:

Sakhisih, Kulikawn.

SAI thlang, Mission Vengthlang.

Tlawng Road.

Vailui hnar, Bungkawn.

Tuikual lui fintu Maubawk leh MINECO inkar.

Tuikual lui (Ebenezer Hospital bul hnai).

Tuikual lui, Lawipu.

Dinthar lui (Ebenezer Hospital bul kawr).

Hnimtheilo lui.

Tuithum, Chawlhhmun.

Kan ram tuihna leh lui tuite chu enkawltu nei ta lo ang maiin ṭhal a lo thlen chuan a kum telin tuihna a kam tial tial a, tui indaihlohna nasa takin kan tuar ta mek a ni. Fur ruahtui a tam thei ang chelh ding a, tuihna humhalh chu Mizoram-in a mamawh tawh tak zet a ni tih hria in CYMA General Conference 2011, Kolasib khawpui a neih anih kumin rorel palaiten lungrual takin ‘kan rama tuihna humhalh leh a awmsa tih pun’ chu an lo pawm ta a ni. He thutlukna ram puma a lo hlawhtlin theih nan PHE Department leh CYMA chuan inthurual takin thawhdunna thuthlung an lo siam ta a. He thawhdunna hian khua leh veng tam takah tui hnar ram humhalhna chin tur ram ri an siam a, mimal ram awm pawh vantlang tan lak let leh hial a ni. Tuihnar ram ruakah ruahtui luangral tur chelh ding zel turin thingphun a ni a, a remchan dan angin leirih khuar leh khur laih te, lung phuarkhawma kawrte khuahte in hmalak a ni. He PHED leh CYMA thawhhona hian rah \ha a chhuah avangin fai leh thianghlimna (sanitation) kawnga thawhdunna pawh kum 2017 khan thuthlung siam a lo ni leh ta a ni.

Kan ramah hian ṭhal lai pawha tui kang lo lui ṭangkai tak tak a awm a. Heng zinga lui sei ber hi Tlawng lui hi a ni. Zobawk, Lungleiah hnâr  a nei a, hmar lam hawiin a luang a, district panga lai a paltlang a, a sei zawng hi km 186 vel a ni. Mizoram khawpui mihring tamna pahnih Aizawl leh Lunglei mipuite rinpui ber a ni. Tlawng lui malsawmna dawng khua a lui dung kam a awm ringawt hi khaw 90 chuang lai a ni. Tui in tur, lui sa, thlai leh balu hausakna te chu Mizoram tân malsawmna hlu tak a nih avang hian ‘Mizoram Jordan Lui’ tih a mawi a ni hial awm e.

Kan ram rohlu pakhat Tlawng lui chu kum 2021 Vau Thla a lo thlen chuan Tlawng lui hnar a lo kang chat deuh thaw a, Aizawl mipui tân tui pump khawp a awm ta lo a ni. He manganna thâwmah hian Tlawng lui chhanchhuah duhna a lo piang a, Sawrkar aṭang  leh mimal \hahnemngaite an lo pen chhuak ta a ni.

Ruah a rawn sur a, tuihna te a rawn pung ṭan ta a. Lui tui chu lo tam mahse bawlhhlawh tinreng a lo luang lut ta a, lei vung paih nen chuan a nû leh ta em em mai a ni. Tui thlitfimna a hnawh phui chak em em a, tui pump khawl chawlhtir a ngai ta fo mai a ni. A tawi zawng chuan ṭhalah tui a tlem avangin tui khawpkham  a awm lova, furah tui a tam a, a nut avangin a pump leh hleih theih loh a ni ber mai.