'Miss Mizoram' org in Miss India Mizoram 2022 Hlui Sailo lawmpui

"Miss India a telna lamah buaipuitu hran a neih avang leh Miss India competition-a a tel atangin Miss Mizoram Organisation a dawr zui ta lo a, a chanchin kan hriatpui tak loh avangin Miss Mizoram page ah pawh kan tilang ta lo a ni!"


Aizawl| July 3, 2022: 'Miss Mizoram' org chuab nimin khan Miss Mizoram 2020 Finalists leh Miss India Mizoram 2022 Lalramhlui Sailo (Hlui Sailo) chu Miss India 2022 intihsiak a hmachhawn atan lawmpuina an hlan leh hnuhnaw a.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


A hun lai, puih a ngaih laia pui si lovin, social mediaah beihna an tawh hrep hnuah lawmpuina an hlan niin ṭhalai tam tak chuan an ngai a ni.

"HLUI DUHSAKNA KAN HLAN E
Miss Mizoram 2020 Top 6 Lalramhlui chu Miss India Mizoram 2022 a ni thei hi kan lawmpui a. Hlui hi Miss Mizoram-a a tel atangin Oriflame catalogue-ah te langin Model a hman a ni a. Amaherawhchu Miss India a telna lamah buaipuitu hran a neih avang leh Miss India competition-a a tel atangin Miss Mizoram Organisation a dawr zui ta lo a, a chanchin kan hriatpui tak loh avangin Miss Mizoram page ah pawh kan tilang ta lo a ni."

tiin an lawmpui thu Miss Mizoram Instagram account leh Facebook page ah te tarlan a ni.



He an thu tarlan, "Amaherawhchu Miss India a telna lamah buaipuitu hran a neih avang leh Miss India competition-a a tel atangin Miss Mizoram Organisation a dawr zui ta lo a, a chanchin kan hriatpui tak loh avangin Miss Mizoram page ah pawh kan tilang ta lo a ni." hian ṭhalaite ngeng a chhun ngang a ni ang, comment a tamin Miss Mizoram Org sawiselna a tam hle.

Comment zinga mi mit la zual kan tarlang e. 

Miss Mizoram in thlan hian Miss Mizoram ni tlak hi thlang ṭhin u la, Interstate emaw, National-ah pawh Mizoram aiawh zo tur, tling leh tlak hi thlang ve ṭhin rawh u, Ṭha satliah, ṭha mawl in thlang ziah a, Rody tih loh in Miss Mizoram veho hian Mizoram an represent phak ngai lo. Inenfiah nan lo hmang teh u, Mizoram huap a nih chuan Ṭhian  Circle zim lutuk rilru kalpui loin kan hnam leh ram hmel lantirtu tur mi ṭha leh tling hi thlang tawh lul teh u. Tichuan in thlan Miss Mizoram ngei kha in enkawlna hnuaia aṭangin Mizoram aiawhin a fehchhuak ang a, in tan leh mipui tan pawh zahna leh natna tel lo, duhsakna tinreng nen thil a kal thei ang a, sel leh rel pawh in kai lo ang.  Hlui hi hmelṭha ka ti tehchiam lo, mahse, nangni support  a dawn loh vang chauh pawh hian Crown lo hawn se ka ti ngawih ngawih. Agency dang thawhpuiin Mizoram a represent tih chu kan hre vek, Mahse, Mizorama beauty pageant buaipuitu lian awm chhun in nih avang leh in chhulchhuak ngei a nih avangin midang lakah lo peng kawi ta mah se, State represent  a nih chiah khan support lo pe u la chuan thil a kal fuh em em tur a ni a, in tisual chu a ni e. 

Rody hnuah in Miss Mizoram thlan leh Crown in khumtirte hian in thlan loh te thlen ang an thleng phak ngai lo hi inenfiah kawk kawk rawh u. "A chanchin kan hre zui lo" tih vel kha thu a tling lo e, keini takngial paw'n  heeeeeetah North pole piah  Aigupta ṭangin kan lo hria a, a hranin phone call kan dawng bik lo, kan hre tho, nge Internet Service in nei lo zawk, Insta-ah pawh in in-follow tawn reng a ni lo'm ni?
- Omomi Libra Jinhlawng [FB page post comment]




Miss Mizoram Instagram lam Comment i lo chhiar ang.













Miss Mizoram FB Page lam comment:











1 comment:

  1. biaklianabiaka082@gmail.comJuly 3, 2022 at 9:21 AM

    Kan hnam mize dik tak a lang,midang aia sang zawk nei tur dinhmun a ka din hian sawichhiat leh selna tur hi kan hre fo mai,hei hian rah tha a chhuah nge chhuah lo chu kemahni ah theuh a hriat ang.

    ReplyDelete

He post chungchanga i ngaihdan lo sawi ve rawh:

Powered by Blogger.