Ticker

10/recent/ticker-posts

TLAWNG HNAR RESERVED FOREST VERIFICATION TEAM LUNGLEIAH

Aizawl | July 20, 2022: Gauhati High Court (Aizawl Bench) in Order dated 18/05/2022 a tih chhuah angin Tlawng Hnar Reserved Forest area chhungah encroachment a awm em tih zirchiang turin Mizoram sawrkar chuan June ni 3, 2022 khan Verification Team a din a. Verification team ah hian Principal Secretary, EF&CC Department chu Chairman niin Additional Principal Chief Conservator of Forests (APCCF) chu Member Secretary a ni a. Member-ah Land Revenue & Settlement Department, Sports & Youth Services Department, Local Administration Department leh PHE Department aiawhte an tel a ni.
 

He Verification team te hi Member Secretary, Additional Principal Chief Conservator of Forests (APCCF), EF&CC Department, Pu RS Sinha hovin nimin khan Lunglei lo thlengin nimin leh nimin khan Tlawng Hnar, Zobawk Reserved Forest Area huamchhung enfiahna (verification) an nei a. Tlawng Hnar Reserved Forest Area enfiahna ah hian Verification team member-te telin khawtlang hruaitute leh tlawmngai pawl aiawhten an tawiawm a ni.
 

Verification neih zawh a nih hnu hian nimin chawhnu khan Lunglei DC Conference Hall-ah Additional Principal Chief Conservator of Forests (APCCF), EF&CC Department, Pu RS Sinha kaihhruaiin hemi chungchangah meeting neih a ni.

Meeting-ah hian Verification team member-te, Lungei DC Pu Kulothungan A leh District official dangte leh VCP Zobawk South, VCP Lungpuizawl, Zobawk Group YMA, YMA Zobawk Vengthar, YMA Zobawk Venglai, YMA Lungpuizawl, MHIP Zobawk leh MHIP Lungpuizawl hruaitute an tel a ni.

APCCF Pu RS Sinha chuan Gauhati High Court (Aizawl Bench) thupek anga Verification team chu din a, hmalak anih thu sawiin an zirchianna report chu Mizoram Chief Secretary hnenah an thehluh thuai tur thu a sawi a. Ramngaw, nungcha, tuihna leh lui tui te humhalh chu EF&CC Department thiltum bulpui berte an nih thu a sawi a ni.   

Meting-ah hian Zobawk leh Lungpuizawl khawtlang hruaitute leh tlawmngai pawl aiawhte chu thusawina hun pek an ni a. Heng Zobawk leh Lungpuizawl khawtlang aiawhtu te hian LAD District Park leh Sports Complex sak mek te chu khawtlang tana ruhrel tangkai leh pawimawh an nih mai bakah Tlawng Hnar Reserved Forest Area notification dated 04/05/1978 ina boundary description a sawi pawn lamah heng ruhrel te hi awma an hriat thu Verification Team te hnenah hian an thlen a. PHE Department hmalaknaa check dam siam tawh chu Zobawk leh a chhehvel khawtlangin tangkai taka hmang mekin water recharging dam siam tum pawh  tui hna humhalhna kawnga hmalakna tha tak anih thu an thlen a ni.

- DIPR
Post i hmuh dan

Post a Comment

0 Comments