Thuampuia Sumo rutua rinhlelh man; Sumo hmu let

Aizawl | July 29, 2022: Thuampui Helipad bul kawng sira Sumo hun chu July 25&26, 2022 zan vel khan miin an ru tih hriat a nih veleh Bawngkawn PS chuan hma la nghalin Police Station zawng zawng hriattir nghal a ni.
 
Mizoram Police in an tarlan danin, Rengtekawn khuaa civil mi thenkhat ten Sumo hi lo hmuin rinhlelh thilthuah lo chelhin Kolasib PS-ah an lo han hriattir a, anni zarah hian Police ten Sumo rutu nia rinhlelh Lalrinfela (37) s/o Vanlaltluanga, Maubawk, Aizawl leh Jacob Vanlaldika (33) s/o J.Dingliana, Thuampui te chu manin, lirthei pawh hi a neitu dik tak hnenah hlan let leh a ni.
 
"Misual man chhuahna kawnga mipuite puihna kan dawn thin avangin Mizoram Police chuan lawmthu a sawi mawlh mawlh a, theih tawpa min thlawp zel turin mipuite kan sawm bawk a ni," tiin Mizoram Police chuan instagram-ah an tarlang.

No comments

He post chungchanga i ngaihdan lo sawi ve rawh:

Powered by Blogger.