Tahan (Kalay Region) a raltlante tanpuinan 'Mobile Charity Concert' July 30 chhunah

Aizawl | July 29, 2022: Burma buaina kal meka Tahan (Kalay Region) a raltlante tanpuinan 'Mobile Charity concert' July 30 chhun hian Aizawl khawpui chhungah buatsaih a ni dawn a. He hunah hian zaithiam lar tak takte an zai dawn.

Raltlante tana vehbur khawnna hi MZP, MZI, MDM, PUMP leh NGO United for democratic Myanmar ten an buatsaih tur niin, Zaithiam lar tak takte an zai dawn a, Raltlante tan a thlawnin an inpe dawn a ni.

Naktuk chawhma dar 11 a ṭan tur Charity Concert hi Thakthing kawnah ṭan tur a ni a, Dar 12:30 hian Sikulpuikawnah insawnin, Chawhnu dar 2 hian Khatla kawnah hun an hmang leh ang a, Dar 3:30 hian Tennis Court-ah hun hman an tum a, tennis court ah vêk hian a tawp an khar dawn a ni.

Thakthingah hian chawhma dar 11 ah hun hman ṭan tum a ni a, MZP Vice presisent Andrew F Lalramnghaka'n hun kaihruaiin, Central YMA president R Lalngheta leh NGO United for Democratic Myanmar aṭangin thusawi tawi ngaihthlak a ni ang. He hunah hian zaithiam - Francis, Cindy Lalthanpuii, Zualbawihi, Zoramchhani, Lalramchhana (RCa), Zorini Khiangte, Sangtei Khuptong, Fela Colney leh Emily (Naupang) te zai tura beisei an ni.

Sikulpuikawn- ah hian chhun dar 12:30 ah hun hman ṭan tum a ni a, MZP general secretary Jacob Lalmuanpuia'n hun kaihruaiin, MZP Adviser C Lalrokhuma leh MZI aṭangin thusawi tawi ngaihthlak a ni ang.

He hunah hian zai turin - TBC Zaithanpuia, Zorema Khiangte, Maruati Hnamte, Adama & Sangtei, Hlimhlimi, Fiona Pachuau, Henry Varte, Vanlalhmangaiha leh Mazuali K. te beisei an ni.

Khatla kawn-ah hian chawhnu dar  2:00 ah hun hman ṭan tum a ni a, MZP Asst. general secretary Chinkhanmanga Thomte-in hun kaihruaiin, MZP Adviser F Lalnienga leh MDM aṭangin thusawi tawi ngaihthlak a ni ang.

Hetah hian zai turin - Mawitei Ralte, Lalropuii Pachuau (RPi), Lalhmangaiha, Mikal Khiangte, Lalthlengliani Jongte, K Lalthlamuankimi (mami), Ruth CVL Muanpuii, David vanlalpeka leh Rinhlui Tlumang te beisei an ni.

Tennis Court-ah hian tlai dar 3:30 velah ṭan hman tumna ni a, MZP treasurer  Sanghmingthanga'n kaihruaiin, PUMP leh Kalay (Tahan) lam aṭangin thusawi tawi ngaihthlak a ni ang.

He hunah hian zai turin - Sawmtea cHHANGTE, Michele Varte, Jonathan Lianhna, Ramzauvi (Jauvi), Sangkimi Khiangte, Manuna (Hard Ray), Siampuii Ralte, Angaihtei Hlondo leh Marina Varte te beisei an ni.

Charity Concert hi July 30, August 6, leh August 15 ah te buatsaih tum  a ni.