Ticker

10/recent/ticker-posts

LAW & JUDICIAL MINISTER-IN TUIPUI BOXING HALL SAK MEK ENFIAH

Champhai | July 30, 2022: Tukin khan Law & Judicial Minister, Pu T.J. Lalnuntluanga chuan Champhai Tuipui khuaa Boxing Hall sak mek chu a hmunah tlawhin a enfiah.


Tuipui Hall sak mek hi Shyama Prasad Mukherjee Rurban Mission (SPMRM) leh MLA  Fund tangkawp (convergence work) hmanga thawh niin, SPMRM atangin cheng nuai 40 leh MLA Fund atangin cheng nuai 10 senga thawh mek a ni a. A dung feet 86 leh a vang feet 36 a zaua sak tum niin, a liang (beam) san zawng hi feet 20 tura ruahman a ni a, kumin chhunga hna hi thawh zawh hman beisei a ni.
 
(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
 

 
Minister Pu T.J. Lalnuntluanga chuan Mizoram sorkar hmalaknaa Tuipui khuaa Boxing Hall changtlung tak nei tura hna bul tan a ni ta chu lawmawm a tih thu tarlangin, Mizoram sawrkar chuan thalai infiammite hmakhua ngaiin theihtawp a chhuah zel dawn a ni, a ti a. Tuipuia Boxing Hall sak mek chu thalaiten tangkai taka an hman ngei a beisei thu sawiin, hnathawktute pawh neitu rilru pua tha taka hna thawk tura a beisei thu a hrilh bawk.

Law & Judicial Minister hi khawtlang hruaitu ten an tawiawm a ni.
 
 
- DIPR
Post i hmuh dan

Post a Comment

0 Comments