Aizawl | July 13, 2022: LBS Suzuki All Mizoram Inter Village Football Tournament khelh mekah Sialhawk an che pui keih keih hle; Vawiina lammuala inkhelah Sialhawk chuan Farkawn 4-2 a hnehin semi-final an lut.
Inkhel tan hma atangin boruak a nung hle a, khelmual sirah Sialhawk leh Farkawn fans an thu khat hmur a, ball an pet hma atangin a hmuhnawm tan nghal.
Goal mawi kan hmu, chawlhlawk hmain goal thum a lut a, goal tha leh mawi a ni vek mai. Goalkeeper pet khuma a kum lut raih maite kha hmuhnawm tak a ni.
Sialhawk tana Lalmuankima goal hmahruai chu Farkawn lamin Lalrinpuia hmangin an sut a, chawlhlawk hmain Vanlalbiakdika chuan Sialhawk goal hnihna a khung zui leh bawk.
Second half-ah inkhel a nung chhungzawm, goal erawh kan hmu har - hun tawp dawnah Farkawn tan goal hmasa suttu Rinpuia bawkin a sut leh a, 2-2 nia hun tawpin extra time an khel zui.
Extra time-ah Sialhawk bawk an lawm hmasa. Rotluangliana chuan goal a khung, goal chhuah belh loin Vanlalduata hmangin an khung belh ta zawk.
Sialhawk hian semifinal thleng turin match ruk an khel a, goal 34 khungin anmahni lamah goal thum chiah a lut; vawi li ngawt clean sheet an nei.
Semifinal-ah chuan Armed Veng South leh Ramhlun North inkhela chak zawk Ramhlun N an hmachhawn leh ang.
Farkawn 2-4 Sialhawk
FAR: Lalrinpuia 28', 81'
SIA: Lalmuankima 21'; Vanlalbiakdika 35'; Rotluangliana 92'; Vanlalduata 118'
Post a Comment
He post chungchanga i ngaihdan lo sawi ve rawh: