Ticker

10/recent/ticker-posts

Siaha khawpui-ah kawngpui thenfai beihpui thlak; Kawng dipdaltute insaseng turin August thleng hun pe

Aizawl | July 29, 2022: Nimin chawhnu khan Pu Donny Lalruatsanga,Addl. DC kaihruaina hnuaia, Siaha town Traffic Management Committee chuan Siaha khawpui chhunga kawngpui te dipdal leh nekchep a nih dan an enfiahin, chutiang a titu te hnenah  August ni 5 aia tlai lova insaseng tura hriattirna thupek (Executive Order) an pe nghal zel a ni.
 

Nikum lamah pawh khan DC office,SP Office,MADC a concern Dept:LAD,Road Transport,Revenue & Settlement etc, Joint VC leh NGOs te nen Siaha khawpui chhunga kawngpui te  nekchep leh dipdal a nih dan Joint inspection an lo nei tawh a.Mahse vawiin ni thlenga thupek zawm lo an awm tih hriat a nih avangin Road Clearance Drive hi neih a ni.Hun tiam chhunga  thupek zawm lo  lo te chungah chuan dan anga hremna chelek a nih tawh tur thu Addl.DC Pu Donny chuan a sawi.

Nimin kawngpui thenfai beihpui(Road Clearance Drive)-ah  hian Insakna leh Dawr bungrua, Lirthei chhia, etc. kawngpui sira dahtu te, Kawngpui neka Dawr, Workshop Step, Tuizem,  Garage-a luhna  tur Ramp etc.  siamtu te hnenah insengfel tura hriattirna thupek( Executive Order) pek zel an ni.

Pu Donny Lalruatsanga chuan kan insakna hmun hma in a zir thlawt loh avanga, inthlahrung taka/ chunga kawngpuia insakna chakkhai loh indah lailawk te chu, an thil dahdan atang pawhin a hriat thei a, hriatthiamna thui tak pawh kan nei ve. Chutiang ni lova, kawngpui hi an ta emaw tia, mipui zahpahna nei map lova kan Kawngpui te nekchep/dipdaltu te ho hi kan Siaha khawpui tana mi  hnawksak an ni, a ti.

 Siaha Town Traffic management Committee chuan  Siaha town chhunga kan kawngpui te  an fankual zawh hma  lo chuan Road Clearance beihpui hi an la kalpui zel dawn a ni.
 




 
 
- DIPR
Post i hmuh dan

Post a Comment

0 Comments